Motini.

H. Tukino—[unclear: Kit] whakaaro o te whare ko te Kooti o Maketu mo pehea.

H. Tukino—E tono ana ahau ko te Pika me tuku ki raro a me noho a Komiti te Whare.

M. Paewai—Tautoko.

M. Te ATA—Ma te Kawanatanga o mahi he kaupapa, mo tenei take kia oti mai ka homai ai.

H. Tomoana—E hiahia ana ahau me korero tenei take inaianei.

Tiamana Honore—Kua whakaaetia kia noho a Komiti te Whare

T Waata—He mea tika ma tenei Runanga e arai te Kooti whakawa Whenua Maori o Maketu heoi ko taua kooti kei te mahi inaianei a e pouri ana matou notemea e whai take ana matou a ko to matou hiahia nui kia araitia taua kooti, ma tenei kotahitanga e mahi.

N. Tautau—E patai ana me tiki ranei a Wi Pere kaore ranei.

T. Tokoihi—E tu ana ahau i runga i nga korero o te Kotahitanga i paahitia mai i Te Waipatu o te tau 1892, a e tautoko ana ahau me kowhiri nga tangata nunui hei mahi i tenei tikanga.

P. Patapu—He take tawhite tenei ara te arai i nga Kooti Whakawa Whenua Maori a he mea pai kia mahia he ritenga e mutu ai tenei mea ara kia oti he ritenga ekore ai e taea te haere o nga iwi ki te Kooti i a ratou whenua Ma tenei Kotahitanga e haere ki nga Maori kia unuhia mai a ratou take whenua i tono ai, a ko taku hiahia kia oti tenei take aianei i tenei ra.

H. Paerata—I hangaa he pukapuka e nga Minita o te Kawanatanga he arai i enei mahi katoa a tukua mai ana kia hainatia e te Kotahitanga heoi kaore noa ihe i hainatia, heoi e pai ana maton me tae mai a Wi Pere ki konei tera kei a ia etahi kupu pai mo tenei mea a me oti tenei take i tenei ra.

N. Patuawa—I kite au i roto i te panui o Huia kia kore enei mea katoa ara hoko kooti reti whenua Heoi ko te mea tenei e arumia nei e te Kotahitanga kia mutu. Ko taku whakaaro ko tenei Kotahitanga me tono i nga tangata nana nga keehi kia haere mai me kereu tahi ratou ko tenei Kohahitanga ka o te ratou ka huri ki Etahi kote aia poto tenei.

page 23

M. Teata—Mehangahe pukapuka ka tuku ai ki nga Rangatira i Maketu kia rua tangata kotahi mo te Kahui Wananga, kotahi mo te Kotahitanga a me haina etahi o nga Rangatira ki roto i taua pukapuka hei hoa mo aua tangata.

T. Wetini—E tautoko ana ahau.

Te Hapimana—E taukoto [unclear: aua] ahau i tunei Motini. I mua i tu ano te Kooti, ka haere te Kahui Wananga a ka tu te Tumuaki ka mahi i runga i taua take. Ko taku mohio i ngenge Kooti, i taua wa no reria e tautoko aua ahau i nga korero a M. Te Ata. Ko te Pokiha e kore e pai ki taua mahi a ekore ano hoki a ia e kaha ki te arai i tetahi wahanga o Ngati-Pikiao

H. Te Rake—

H. Niania—E mea ana ahau ma tateu e hanga tenei mea me tona kaupapa mo te pukapuka turaki mo te Kooti o Maketu, kaua ma te Arawa. E mea ana ahau ko nga tangata tika hei haere mo tenei mea ko Hone Heke raua ko Wi Pere.

A. Apiata—Ko taua Kooti na Ngati-Pikiao E 7 aku keehi kei roto i taua Kooti, e mea ana ahau ma nga Minita o te Kawanatanga e tuhi ki Ngati-Pikiao. Ko aku to noi roto i taua kooti kua unuhia. Ko nga mema hou nei kua unuhia kua unuhia a ratou keehi, ae mea ana ahau me tuhi he pukapuka hei hoa mo Hone Heke raua ko Wi Pere.

M. Heretaunga—Kua paahi ano i te Kahui Wananga me mutu te kooti heoi e kooti tonu ana. E tautoko ana an i nga korero a H. Niania.

E. H. Karaka—He maha nga tono ka waiho i raro i te mana o te Kotahitanga.

H. Tukino—Kua oti a tatou mea notemea e rua ano take kua oti pai ko Hone Heke ma e haere (2), me hanga he pukapuka (Hiahia)

M. Te ATA—E Aroha ana au ki nga tangata o whai kereme ana me tuhi ki o ratou hoa kia whakakorea.

H. Tukino—E tono ana i te pooti mo Wi Pere me Hone Heke kia haere ki Maketu me te hanga i te pukapuka hei hoa mo raua.

H. Paerata—Tautoko kia tukua te pooti

Pika—Nga mema e whakaae ana ko Wi Pere raua ko Hone Heke e haere ki te arai i te kooti o Maketu me ki mai ae. Ae. Kua paahi Maehe 28, 1895.