Title: Tuunga. Tuawha O Te Paremata O Te Kotahitanga O Te Iwi Maori O Nui Tireni O Te 7 O Maehe, 1895

Part of: He reo nō ngā rōpū whakahaere tikanga / The language of Māori governing bodies.

License: Creative Commons Attribution-Share Alike 3.0 New Zealand Licence

Share:

Te Paki O Matariki,
te
Kauhanganui, o Aotearoa me te Waipounamu

Nga Whai Korero a te Kiingi.

Taku kupu ka tu ake nei—

He mihi naku ki nga Rangatira, katoa! katoa!! katoa!!!—Ki nga Rangatira, o nga Motu iie rua nei, o Aotearoa, me te Waipounamu: Kia ora tonu koutou, ma te Atua tonu e tiaki:—Ki te tika tenei hanga te kupu, ko te Atua tonu tena.

E ora ana taku ngnkau ki taku kitenga i a koutou i nga Rangatira o nga Motu e rua nei, Aotearoa me te Waipounamu, he mea ake naku, ki a hurihuri tahi, ko taau, ko taau, ko page 13aku, ka rawaka, Na taku Matua ano te kupu nei, a waihotia iho enei kupu hei tirotiro ma nga Rangatira katoa, Puta puta puta noa.

He kupu ake ano tenei naku ki nga Hapu e toru nei, ki nga Matariki, ki nga Manukura, ki nga Whakamarumru, ki nga Tumuaki o te Kiingitanga o taku Paapa, Kia ora tonu koutou katoa ! kutoa !! katoa !!!

He kupu ako naku kia pai te whakatakoto i te kupu kia tika, kia kaha kia kaha kia kaha, ki te tika te whakatakoto i te kupu ko te Atua tonu tena, ma tena e whakaae ai te Iwi katoa, katoa, katoa;—Whiriwhiri marire, a waihotia iho, mo te haere o tera Rangatira, o tera Rangatira, hei aha i te kupu kua takoto, kia ora tonu te Iwi kato a katoa katoa, ma te Atua tatou katoa e tiaki.