H. P. Mangakahia, Pirimia.

I whakapuakina enei kupu i raro i te mana o te Kotahitanga o nga Iwi.

• 1. Me whaka takoto atu e te Keepa Taitoko kia Kiingi Mahuta me ona iwi te pukapuka kirinipi Nama 4 mo te wahanga Nama 4 Aotearoa, Takiwa o Waikato.
• 2. I runga i te mea o mohio tia ana ki nga ritenga o te ture Rarangi 71 me to Tiriti o Waitangi e whakahau ana o raua nei tikanga i enei kirihipi ate wa e tonoa ai te mana motuhake, kia haria ki roto i nga Hupirimi Kooti i nga. Piira Kooti i nga Paremata, i te aroaro ranei o nga Huihui nga Kiingi i raro ano i te mana o nga ture i mahia mo nga Tiriti i roto i te ao.
• 3. Na reira me Haina a Kiingi Mahuta i tona ingoa ki roto i taua kirihipi Nama 4 me pera ano te tuhinga o tona ingoa me te tuhinga a tona papa i tona ingoa ki roto i tana Pitihana i tuhia nei i Ingarangi i te 22 o nga ra o Hurae o te tau 1884.
• 4. Kaore e ahei i raro i te mana o te Tiriti o Waitangi, me te Rarangi 71 kua moa tia nei hei mana mo aua kirihipi katoa kia whaka rereko tia, kia Patupatua ranei, kia tuhia atu ranei etahi kupu hoou ki roto i nga whakaupoko o aua kirihipi i te whakaupoko ranei o tetahi o aua kirihipi.
• 5. T runga hoki i te kitenga ki hai rawa te Kiingitanga te mana ranei o Kiingi Tawhiao i whaka rereke tia e aua ritenga e tona tuhinga pera tanga i tona e ingoa, whai hoki.

E kore ano e taea te whakarereke e enei mahi te mana to kiingi tanga ranei o kiingi Mahuta no te mea kei te tu tonui i a te tunga Kiingi o tonaTupuna taenoa ki tona Papa.

Ko te hiahia o to Kotahitanga kia haina nga Rangatiratanga katoa ki nga kirihipi kia topu ai aua Rangatiratanga ki te tono i te mana motuhake mo te Iwi Maori.

I te mutunga o te Panui o tenei pukapuka ka tu mai a te ngakau te tino Rangatira whakahaere i te kiingi tanga o Potatau tae noa ki te Kiingi Tanga o Tawhiao Taenoa nei ki te kiingi tanga o Mahuta.

Penei tonu ana Kupu Tuatahi, Kakotahi, Kakotahi, Kakotahi,. Kua Kotahi. Waikato, kia toru nga hipihipi hure, hipihipi huree hipihipi huee hipihipi huree.

Katahi ka whakahua tia eia tenei pongeri tangi.

Waikato ee oo kei whea tou Ariki, kuaunu hia irunga i te Ahurewa, kuapouarutia nga Iwi o te motu aue ane aue ha a.

I raro i enei kupu i runga akenei katuhi a ano nga Iwi o mohio tiaana kei raro i te mana o tenei whaka ae tanga kia kotahi ka kia kua uru ki te whaka Kotahitanga o te Iwi Maori.

Ko Waikato, ko ngati Manipoto, ko ngati Haua ko ngati Apakura, Tainui, ngati Tahinga, ngati Mahuta ngati Tiipa ngati Naho Te Wero koko ngati Teata ngati Pou, ngati Whakatere mera atu hapu o Waikato e kore etaea te tatau.

• Ko ngati Raukawa, ki Patetere, ki Aotearoa
• Ko ngai Terangi, ki Tauranga Putanea ona rohe.
• Ko ngati Tamatera, Ohinemuri, me moehau.
• Ko ngati Maru, ki Hauraki, me Piako.
• Ko ngati Whanaunga, ki wharekawa me Waiau.
• Ko ngati Paoa ki Whakatiwai me Taupo me Waiheke.
• Ko ngati Hako ki te Awaiti mete raeote Papa.
• Ka tuhia ki konei ko nga Iwi i uru ki te whaka Kotahitanga na o ratou hiahia ake o te tau 1895.
• Ko ngati Pare mete Rarawa Whangapoua.

page 14

Ko ngati Karaua me ngati Pupu, Kuaotunu.

Ko ngati Hei te Rapupo ngati Whanaunga Whitianga.

Ka tuhia ki konei nga Iwi nga hapu menga tangata kaoro ano i haina noa ki te kirihipi.

Opotiki ki Tarakeha

Te Whakatohea, me Ngaitai.

Tarakeha ki Potikirua.

Te Whanaua Apanui, ngai Tawarere, te whanauate Ehutu.

Waiapu—Tehapu o Rapata Wahawaha mema o te whare Ariki

Te Wairoa—Te Hapu o Timikara mema o te Koroni.

Te Waipounamu—Te Wahanga o ngai Tahu, kia Tame Harata mema o te Koroni.

Porirua—Kia ngati Toa.

[gap — reason: illegible]upuku, Kaipo, Waitotara, Whenuakura, Patea Manutahi, Mokoia, Tangahoe Ketemarae Weriweri, Opunake.

Ngati Ruanui, Taranaki, nga Rauru.

Te Namu Rahotu Parihaka te Puniho Tarereari kai Pakapaka

Taranaki katoa katoa Teati awa me ngati Rahiri.

Kua mohio maira koutou e nga Iwi Penei ano te toke maha o nga Iwi menga hapu menga tangata kaore ano i haina.

Ko enei Iwi kaore tonu nga tangata whaka haere i te Kotahitanga i tae noa ki te kauwhau ki enei Iwi.

Nareira i mahara tia ake ai tera ano enei Iwi e urumai mehemea katae nga tangata tinomahi i enei tikanga ki era Iwi ara te Kotahitanga.