Title: Tuunga. Tuawha O Te Paremata O Te Kotahitanga O Te Iwi Maori O Nui Tireni O Te 7 O Maehe, 1895

Part of: He reo nō ngā rōpū whakahaere tikanga / The language of Māori governing bodies.

License: Creative Commons Attribution-Share Alike 3.0 New Zealand Licence

Share:

I noho te komiti o etehi o nga mema o te kotahitanga i tae ki te Kauwhanganui ki te hari i te kirihipi kiahainatia e Kiingi Mahuta me ona Iwi i raro i te mana o te whakahau a te Paremata tua whaa o te kotahitanga o te Iwi Maori i tu nei ki Rotorua i to 7 o Maehe, 1895.

Ko te take i noho ai taua Komiti mo runga i te kupu a Moiha Keepa Taitoko i whakatakoto ai ki te aroaro o nga rangatira o te Arawa i mea taua kupu:

Me whakatakoto tana kirihipi ki te aroaro o Kiingi Mahuta hei hainatanga mana me ona Iwi, me ki atu e ia me haina ia i runga i tona mana Kiingi o te Iwi Maori o Niu Tireni, ko nga mema o te Komiti:

• Ko Te K. Taitoko.
• H. Mangakahia.
• H. Tukino.
• R. Wharerau.
• P. Taui.
• Mete Kiingi.
• M. Paewai.
• R. Te Ao.
• H. Kerei Paipai.

Ko te whiriwhiringa a tenei Komiti mo tenei take koia tenei:

• 1. Me whakatakoto atu e Te K. Taitoko

Kooti, i nga Piira Kooti, i nga Paremata i te aroare ranei o nga huihuinga Kiingi i raro ano i te mana o nga ture i mahia mo nga Tiriti i roto i te ao.

Na reira me haina a Kiingi Mahuta i tona ingoa ki roto i taua kirihipi Nama 4, me pera ano te tuhinga o tona ingoa me te tuhinga a tona papa i tona ingoa ki roto i tana Pitihana i tuhia nei i Ingarangi i te 22 o nga ra o Hurae, o te tau 1884.

Kaore e ahei i raro i te mana o te Tiriti o Waitangi me te Rarangi 71, kua meatia nei hei mana mo aua kirihipi katoa kia whakarereke, tia, kia patupatua ranei, kia tuhia atu ranei etahi kupu hoou ki roto i nga whakaupoko o aua kirihipi i te whakaupoko ranei o tetahi o aua kirihipi.

I runga hoki i te kitenga kiha i rawa te Kiingitanga te mana ranei o Kiingi Tawhiao i whakareroketia e aua Ritenga i e tona tuhinga peratanga i tona ingoa whaihoki e kore ano e taea te whakarerake o enei mahi te mana, te Kiingitanga ranei o Kiingi Mahuta notemea kei to tu tonu i a i te tunga Kiingi o tona Tupuna tae noa ki tona papa.

Te hiahia o te Kotahitanga kia haina nga Rangatiratanga katoa ki nga kirihipi kia topu ai aua Rangatiratanga ki te tono i te mana Motuhake mo te Iwi Maori.