H. Mangakahia (Pirimia)—He whakaatu kia mohio koutou mo Kereru kua mate heoi ka nui te pouri mona a he mea nui hoki tenei e pa ana ki a tatou ara o te pouri e mohio ana ahau kei te pouri katoa tatou ki a ia. A e takoto nei nga kupu a Kereru i mua i a tatou a i tukua mai e ia tone tinana ki roto i tenei Kotah tanga puta noa ki tona oneone he mea tuku katoa mai e ia. No reira ko te whakaaro a te Kawanatanga me neke te whare i tenei po he whakaaro mo te pouri mo tona matenga.

H. Tomoana—E whakaae ana te Aputihana ki nga korero a te Pirimia o te Kawangatanga notemea ko tenei take he mea timata rawa mai i Heretaunga. Ka mate nga tangata nunui o te Kotahitanga ka nukuhia te Paremata no reira e whakamihi ana au mo te whakanekenga e te Pirimia o te Whare a emea ana ano hoki ahau ko nga tangata e haore ana ki taua tangihanga apopo me tuhi rawa he reta paroporoaki aroha mo te matenga o Kereru.

Kua neke 10 a.m. apopo.

Taite, Aperira 4, 1895.

Ka puare te Whare i te 10 a.m.

Nga mema i noho 39.

Mau te kirihipi mo Te Takiwa ki te Mahia me te Wairoa.

Hoori Niania—Maku e karanga haere he hoa moku i roto i nga hapu a noku ake ano hoki toku oranga i te wa i au e mahi ana i mua atu.