Rarangi Tuawha mo te Pire Kirihipi.

Ko nga tangata hei hari i te kirihipi ki a Kiingi Mahuta me Te Whiti.

Ko Meiha Keepa Taitoko.

• T. H. Tukino
• H. Heke
• H. Mangakahia
• Wi Pere

Timi Waata—E mea ana ahau me unu enei tangata notemea ka haere atu tatou ki te hui o Te Kauhanganui a te wa e haere mai, a hei reira ka haina ai i nga tangata o reira.

H. Tukino (Minita)—Ko tenei Pire e tukua atu aua kia tirohia mai nga mea tika me nga mea he a ma tenei Runanga e whakaatu te he kia marama ano hoki notemea kei te nui rawa te nga wari o te Kawanatanga i roto i enei rangi katoa mehemea ano hoki he tangata ke atu a koutou mo te whakau[gap — reason: illegible]ru mai me korero mai inaianei.

W. Matenga—E mea, ana ahau me unu te korero a Timi Waata kia unuhia nga ingoa o nga mema panutia mai. Ko taku hiahia me haere katoa tatou ki te hui o Te Kauhanganui a te wa e haere mai nei.

R. Mokonuiarangi—He mea taukou tenei te mau o te ingoa tangata ki roto o te Pire.

H. Heke—E tika ana ano te whakanoho ingoa ki roto o te Pire e rite ana penei me tenei.

T. Wetini—He mea tika kia haere nga Rangatira nui o tenei hui ki Te Kauhanganui, e tika ana nga korero a te Honore Minita.

T. Hapimana—Ko tenei Pire me unu.

H. Tukino (Minita)—E whakaaetia ana e te Kawanatanga ma Te Arawa te rarangi tuawha o te Pire e mahi mo te taha ki a te Kingi Mahuta o Kauhang nui, ko te ahua o te korero inaianei me huri mo te taha ki a Te Whiti, i nga tanga ta i panuitia ake i te tuatahi.

H. Tomoana—Ekore au e whakaae kia waiho ma Te Arawa e mahi te taha ki a te Kingi.

N. Tautau—Me hemai he takiwa kia Te Arawa mo tenei rarangi, a me neke tenei take mo apopo, a me unu e te Minita Honore.

Kua neke te whare, 10 a.m. apopo.

Menemena Apiti mo te Menemana a N. Tautau mo te Rarangi 2 o te Pire Kirihipi.

Ara.

Engari me pau nga takiwa o ia kaiwhakahaere, o ia kaiwhakahaere i tana kirihipi, i tana kirihipi i mua o te tunga o te huihanga tuarima o tenei Runanga, ki a me huihui mai nga kirihipi a tena, a tena ki te aroaro o tenei Runanga a taua wa.