Kua poroa i te Minita.

Minita—E te Honore Mema kei te Kawanatanga te wahi e pakeke ana no reira kote kupu a te Kawanatanga i naianei ka whakaritea tonutia te whakaaro a te Arawa ka whakaaetia te Ripoata ate Arawa a me ki penei hoki he apiti kia te Arawa anake tenei tikanga i tenei tau me mana rawa i tono ture a kaua e whakaaetia mo etahi atu iwi hei mea e mutu pai ai tenei hui e pakaru pai ai hoki tenei Paremata.

Pirimia—E pakeke ai e te Arawa te mea nei hemea kia ata marama ai te pakaru nga i te ture, o te tau 1892, mo te whakatokomaha i nga mema no reira i penei ai te ahua hoi iroto i te kupu a te Arawa me pakaru tenei Kotahitanga mo te kore o whakaaetia te 14. Heoi i runga ano i te whakaaro o te Kawanatanga ka whakaaetia to Ripoata a te Arawa kia 14 nga mema mo te Rohe o te Arawa.

Aporo Apiata—E nga mema kaua e pouri o koutou ngakau ki enei mea katoa na matau katoa hoki aua korero a i te mea kua pau te taima no reira kaore he maha o nga korero.

H. Niania—I te mea kua puare nei kia te Arawa 14 Mema, ka whaka Kapia ki nga iwi no reira e pouri ana ahau a e mea ana ahau me whakapuare ki nga iwi katoa.

H. Terake—E tautoko ana ahau me whakapuare ki nga iwi katoa.

H. Tukino—Ko taku pouri kei puare ki nga iwi katoa ka whakatu mai i ona mema tera pea e tae ki te 100 mema ara penei mai kei tono mai ki te Kawanatanga, notemea. E kore e taea e te Kawanatanga te mahi noaiho ratou.

H. Rangimatini—Ka unuhia aku korero taimaha ki te whare.

M. Waharoa—Kaunuhia.