Mo nga mema mo te Arawa.

H. Kokiri—Ka unuhia te Motini a te Arawa te 14 tangata tae atu ki nga mema e 4 kei waiho atu hei whakararuraru i.te ture o te tau 1892.

H. Heke—Kaore au e pai ana ki te kupu a H. Kokiri o korero nei a kaore hoki ahau e whakaae notemea he wehe rawa atu tenei io tatou mahara me tenei Kotahitanga, a e mohio ana ano hoki ahau he nui te kaha o te Arawa ki te whakawhaiti mai i a ratou ki te wahi kotahi, a e whakaae ana ahau e hiahia ana tatou, a kotahi te katoa, [unclear: roira] e mohio ana ahau kaore rawa he mate mo tatou mehemea ka whakaaetia te 14 mema mo te rohe o te Arawa, heoi ano te hee i te poto o te taima kaoro e taea te hanga tetahi pukapuka whakatikatika mo te ture pooti mema o te tau 1892. Engari ko toku tino hiahia nui kia whaiti tatou ki te wahi kotahi, no reira ahau i tono ai ki nga mema o te whare nei kia kaha te rapu i etahi ritenga e noho ai tatou ki te wahi kotahi ko nga korero katoa o nanahi me o naianei kua rereke katoa no reira ahau i mea ai he aha ranei te take te paingi ai te tono a te Arawa me te ki penei ano ahau ho pai ano me whakaneke iho he mema mo te tekiwa o te Arawa te taea ai te whakaneke notemea ko te wa pu tenei e matu ai te Paremata te taea ai te hanga etahi pukapuka ko taku kupu e te Arawa me whakaneke atu ta koutou take mo te Paremata ki Tokaanu, Taupo. Ko te kupu unu a H. Kokiri mo te Motini me unu ki waho, me nga mema katoa o hiahia ana Ma whakanekehia nga mema me ata waiho me neke atu mo te puaretanga o te Paremata ki Tokaanu, Taupo.

M. Tewaharoa—me unu mai te Motini a te Arawa ki waho mo nga mema 14, a ko matou o kore e tae ki te Paremata o Taupo a te tau 1896.

H. Tukino—E te Aarawa he nui ra te 7 moma mo koutou ho nui noatu a ka whakahokia iho nga mema mo Taupo kia 3.

Hira Rangimatini—Mehemea ka unuhia te Motini a te Arawa me tapapa a te Arawa ki runga i tana kirihipi ae ka ma koutou e hanga mai he ture.

page 51

H. Heke—ko take mohio e nga mema kua tino taumaha tenei kororo noteimea kua riro mai nga tikauga o mua hei korero mo tenei taima.