Ka puare te whare i te 2 p.m.

Pika me te Tiamana.

Nga mema i noho e 20.

Pire Pooti mema mo te Kawanatanga Maori.

I tono a te Arawa kia whakanekehia he mema mo to ratou takiwa kia 12, otira he nui nga korero a te whare mo tenei take notemea i paahitia rawatia te ture i te nohoanga o te Hui a te Kotahitanga ki te Tiriti o Waitangi i te 14 o nga ra o Maehe, 1891, a i tino tautokona tenei take i te nohoanga tuatahi o te Paremata Maori i tu ki te Waipatu ia Aperira 12, 1892, a i tenei tau 1895. E tohe ana a te Arawa ko nga mema mo te ratou takiwa kia nui ake kaua e haere i runga i taua kupu kia 96 nga mema mo Aotearea me te Waipounamu engari me whakaneke atu notemea he iwi hou enei kua uru ki te kirihipi me te ratou whakaaetanga ki tenei Kotahitanga.

H. Heke—E te tumuaki me nga Mema Honore kanui te pai o nga korero katoa kua kiia ake e nga mema a e mea ana ahau kaore he hee o ta koutou tono he mea e rite a a ki toku hiahia a he mea hari nei tenei ki toku mahara ki to koutou kaha kia whanuia ake he mema mo to koutou takiwa he tehu tenei no to koutou hiahia ki runga i ta tatou mahi a kaati ano te ahua rarurau i runga i toku mahara kei te kore taima notemea ko apopo te Rahoroi 13, 1895, a Aperira te wa hei mutunga mo tenei Paremata no reira ekore e taea te mahi tetahi Pire wkakatikatika mo te Pire i paahitia i te Tiriti o Waitangi i te tau 1891, ara kia 96 nga mema mo nga motu e rua o Nui Tireni ara Aotearoa mo te Waipounamu, no reira kaore e taea te kokiri tetahi Pire i naianei.