Hone Heke.

Ka whakamarama i te ahua o tana Pire kohi moni ma nga tangata i raro i te mana o nga iwi Maori i raro o te kotahitanga.

E te tumuaki ko tenei Pire e mahi ana mo te Pire tono mana i runga i te ritenga ma te pooti e hinga mai te Pire a te kotahitanga a ka whakawhiti atu ki Ingarangi, ki te mau i taua

Pire ki te Paremata o Ingarangi, ina hinga hehoro mai i roto i te Paremata o Poneke.

K. Kiwa—Tautoko.

Ka tukua te pooti mo te Pire, kia paahitia te korerotanga tuatahi tuarua o te Pire, kua whakaaetia.

Ko te whahaupoko o te Pire kua paahitia i runga i te pooti.

Ko te mahi a te whare he mahi i nga rarangi o te Pire, kohi moni a Hono Heke.

Kua noho a Komite te whare.

P. Patapu—Ko te Pire ate kotahitanga ki taku mohio e taea tena Pire e nga rangatira, te whakawhiti atu ki Ingarangi, a ko te pai mehemea ka oti tenei Pire te mahi, hei korero atu ma nga mema o to tatou whare nei ano a tona ho ki nga atu ki tona takiwa otira ma Hone Heke ano e ata whakamarama te ritenga o tana Pire, pehea ranei te roa.

H. Heke—E pai ana te ui a te Honore mema i noho iho nei heoi me penei ake e au, kia kotahi tau te mananga mo te Pire nei.

T. Hapimana—Tautoko i te Pire kohi moni a H. Heke.