Pika me te Timana.

Pika—E tu ana ahau ki te korero mo ta tatou take i koreroi Waenganui i a te Aputihana raua ko te Kawanatanga a i au e noho atu nei e nga mema e pouri ana ahau notemea he tautohe no nga ra katoa a tae mai ki tenei ra, i puta ano te kupu i a ahau me pooti kia mohiotia ai otia kaore te pooti i tukua kia page 45haere, a i tenei ra kua tukua mai nei ki ahau a i te wa i nga mema e korero ana e hari ana ahau no reira ko taku kupu mo runga o tenei take kaati ano i runga i te kupu a Hone Heke no reira ko taku kupu ko te Aputihana me unu rawa atu tana take ki waho kia atea te whare ki te mahi i nga mahi, a me tuku hoki ahau ki raro i taku nohoanga, ehara i te kino. Ko a tatou take nunui kua o ti te Pitihana o Pinepine Te Kura me te Pitihana o te mana motuhake.

H. Tomoana—E te tumuaki katahi ano ahau ka ki te i tenei tikanga tauhou ka 20 nga tau oku ehaere ana ki te Paremata i Poneke, ko nga mea katoa e hinga mai i te pooti i runga i te ahua o taku Motini ki te hinga te Pire ki te unuhia ranei me hinga te Kawantanga.

Timi Waata—E tono ana ahau me mahi te Motini tunga o te Paremata mo te tau 1896.

E. H, Karaka—E tono ana ahau me mahi i taku Pire notemea ka 2 nga wiki e takoto ana i runga i te teepu.

H. Heke—I nekehia mai taku Pire mo tenei taima o te ra.

E. Te Uremutu—Me noho tonu te Pika i tana nohoanga.

H. Tukino—Ko te whakaaro a te Kawanatanga me noho tonu te Pika i runga i tana nohoanga a whakapai ana hoki ahau ki te Tumuaki mo tana marama ki te whakahaere i te raruraru mo te taha ki te Aputihana raua ko te Kawanatanga i te mea ka 2 wiki o tenei raruraru i mahia ai a katahi ano ka oti.

Pika—Kua oti ka noho tonu ahau i runga i taku nohoanga.

Hone Here—Ka panui i te Pire kohi moni ma nga iwi Maori i raro i te kotahitanga.

E te tumuaki e tono ana ahau kaua e araia te tuku Motini atu i te mea e tata ana te taima mutu o te Paremata.

H. Mangakahia (Pirimia)—E whakaae ana te Kawanatanga kia ateatia nga Motini no reira me haere nga Motini i enei wa, engari mo tenei wa anake.

K. Kiwa—E tautoko ana ahau i te Pire a H. Heke.

H. Paerata—Ko te whakaaro a te Kawanatanga ko te Pire a H. Heke e mahi.