Hone Hoke.

H. Mangakahia—Ko te waa e kokiritia mai ai to Pire kohi moni a Hone Heke whai kupu ai te Kawanatanga.

H. Tomoana—E te Pika e tono ana au kia tukua mai te pooti turaki a te Aputihana i te Kawanatanga kia tere ai to marama o tatou katoa, notemea ko nga, tino take i mea ai ahau me hinga tenei Kawanatanga.

1.	Mo nga moni i kohia i te Waipatu i o ti ia ratou ko aua monikia kia mauria mai ki konei mahia heoi kaore tahi i tae mai.
2.	I paahitia te ture i Pakirikiri me haere atu te Kawanatanga ki te takiwa o Teurowera a kaore tenei Kawanatanga i tae
3.	I paahitia i reira me whakahaere te haina mo nga kirihipi i taua tau a kaoro te tenei Kawanatanga i tae
4.	I [unclear: paahiia] i Pakirikiri te ture kohi moni, kaore tenei Kawanatanga e mahi i ana mahi i paahitia e te Runanga hoi mahinga mana.

E te tumuaki he maha atu nga ritenga i ki ai ahau me tuku rawa mai te pooti turaki mo tenei Kawanatanga notemea he hee nui rawa enei no te Kawanatanga.

H. Mangakahia—E te tumuaki me nga Honore mema kua rongo koutou i nga take a te Aputihana e mahi nei hei turaki mo te Kawanatanga, me te mohio ano o te Riira o te Aputihana kaore rawa ahau i roto i enei take o korerotia nei eia a ko tana turaki i te Kawanatanga me te e ke mai ano ki ahau notemea ko ahau te Honore Pirimia o tenei Kawanatanga, i te mea kua hinga te Pire kohi moni a Ngapuhi me pehea e rite ai nga mahi a tenei Runanga a notemea ko te tino huanui o te Pire a tenei Kawanatanga i kokiritia nei i tenei Runanga hei moni whakawhiti mo te Pire Tono Mana ki Ingarangi a i te mea e koro te Aputihaua e pai ki tenei Pire kohi moni, me pehea ra e whiti ai tenei Pire ki Ingarangi, a notemea e te tumuaki ko tenei mahi he nui rawa atu te nana. No reira ahau i mea ai kaore au e mohio ana e tae e te Aputihaua enei mea katoa te mahi e mohio ana hoki ahau tenei nga iwi kei te hari mo taku tunga ki tenei turanga kei te mohio enei mema katoa. I te wa tonu i ahau ka noho i tenei turanga ka tukua atu e ahau he kirihipi ki te takiwa o Tuhoe, a me etahi atu wahi hoki a mehemea ka hinga tenei Kawanatanga tera nga mema e mohio ka tino roa atu te wa e whakatikatika ia ai nga mahi, a ko te tau mutunga mai ano hoki tenei o te mana mo tenei Kawanatanga i te tau e haare mai nei ka pootitia houtia ano he mema a kei reira ka whakaturia he Kawanatanga hou, he mem hou ko taku mohio kei te ahau k[gap — reason: illegible] ano o nga korero a te Riira e te Aputihana no reira koutou ka rongo otira kia kaha te whakarongo ki runga i nga take tika me nga take he e turakina ai te Kawanatanga notemea ko te Riira o te Aputihana e hiahia ana kia noho aia ki tenei nohoanga e noheia nei e ahau a tera koutou e mohio e rongo i enei mea katoa a nga rangi e haere mai nei.

H. Heke—Ke ahau me oku hoa he noho a waenganui kaore e tautoko ana i te Aputihana me te Kawanatanga ko to matou hiahia ko tetahi take nui kia oti i tenei tunga o te Runanga, i roto i enei ahua korero katoa, kaore e oti he take notemea kua tata tonu te ra hei mutunga mo tenei Paremata. Kaati e te Tumuaki, kei a koe to mana nui o tenei whare a e whai mana ana koe ki te pakaru i waenganui o enei kupu, ko te mana o te kupu kei a koe.

Hemi Kokiri—E tautoko ana ahau me tuku mai te pooti turaki i te Kawanatanga. I runga ranei i te whakaaro a te tumuaki.

H. Tukino—Kaore ahau e pai kia tukua te pooti turaki mo te Kawanatanga ka 4 nga tau i titiro ai ahau ki te Riira o te Aputihana kaore rawa he kaha i roto iaia heoi ano kei ana ngntu anake heoi [unclear: no] te korero tika na Hone Heke.

Tame Te Kume—E te tumuaki me tuku mai te pooti turaki i tenei Kawanatanga.

H. Paerata—E tautoko ana ahau i te korero a Hone Heke.

Timi Waata—Tautoko i ta Hone Heke.

H. Rapihana i ta Hone Heke.

H. Hautehoro—Kei te tumaki te ritenga.

Pika—Ekoa ana ahau Kinga korero a nga Minita menga mema o te whare.