Pire Pooti Mema.

Ka puare te whare, i te 7 p.m.

Pika me te Tiamana.

Nga mema i noho e 42.

H. Mangakahia—Kua rangona nei ko a te parire ka hoki atu nga mema a he whaka atu i te mea kua tata enei ra mo te haere atu o nga mema no reira e mea ana ahau e nga mema kia kaha ki te mahi i a tatou mahi.

H. Tomoana—E kore e taea e au te whakaae hei te Paraire tera hei mutunga mai me tenei Paramata a ko te roa o tenei hui kaore e haere, atu ana i te ara mo te iwi no reira e kore rawa te Aputihana e whakaae kia mutu te Paremata a te Paraire.

H. Mangakahia—E mohio ana te whare kei te Aputihana nga raruraru i roa ai tenei Paremata heoi ano te kupu ko a to po ote Taite mutu ai tenei whare i te mea ka haere katoa nga mema a kaore hoki te koramu e tu i muri i nga mema e hoki atu no reira te kawanatanga ka ki penei e tika ana hei ra mutunga mo to mahi o tenei Runanga e naho nei i Rotorua.

P. Patapu—E mea ana ahau me mahi tonu te whare tae atu ki te 3 a.m.

H. Rapihana—Tautoko i te korero a P. Patapu.

H.Tomoana—E te tumuaki e tono atu ana ahau me tuku mai te pooti mo te Pire kohi moni a te Kawanatanga, pera i taku Motini.

H. Tukino—Kua unuhia ketia te Pire a te Kawanatanga i runga i te taenga mai o te Pire a Ngapuhi.

H. Tumoana—I te mea kua unu te Kawanatanga i taua Piro heoi ko taku Motini i mea ki te unuhia te Pire me hinga atu te Kawanatanga heoi kua rite tonu i naianei Pera tonu me to ahua o taku Motini.

H. Heke—Ka a hei noa atu te Kawanatanga ki te unu i ana Pire i runga ano i ta te Kawanatanga ritenga e ki te ai e pai ana.

M. Te Ata—Mehemea ki te paahi te Pire a Ngapuhi e mauria ana e au ki toku takiwa ahakoa paahi kore ranei e paahi e mauria ana e ahau ki toku takiwa tonei take me kohi he moni.

H. Heke—Ko te take o te Piro a te Kawanatanga ma te moni katoa, otira kaore taua Pire i paingia no reira i rapua ai e nga Honore Mema o Ngapuhi me hanga he Pire mo o ratou nei takiwa ake he mann kohi moni timata atu Akarana ki Muriwhenua nga iwi o roto ko Ngatiwhatua, Ngapuhi, Terarawa, Teaupouri, ko tenei moni e kohia ana mo te mau te Pire Tono mana motuhake me tuku mai te pooti.

Pika—Ka tukua te pooti.

Nga tangata i te Noo 20

Nga tangata i te ae 16

Kua, riro i te noo, kua hinga te Pire a Ngapuhi.

page 44

H. Tomoana—E tono ana ahau me kutu mai te pooti turaki i te Kawanatanga.

H. Kokiri—Tautoko.

Hohepa Te Rake—Tautoko i te pooti turaki i te Kawanatanga.

Timoti Whiua—E tono ana ahau me neke te whare mo apopo.

Pika—Kua neke 10 a.m., Apopo.