Pire Kohi Moni.

I motinitia o te Honore. Mema e Herepete Rapihana o Ngapuhi, kia paahitia e tenei whare he Pire kohi moni mo te takiwa timata atu i Kaipara o Ngatiwhatua, tae ki Ngapuhi, Terarawa, me te Aupouri.

H. Tomoana—Ko taku Motini i mua i mea ki te unuhia te Pire a te Kawanatanga me hinga te Kawanatanga no reira kaore ahau e pai kia hinga te Pire kia unuhia ranei engari me hinga mai i runga i te pooti o te whare.

Hone Heke—Ka mea kei te puare te ritenga ki nga mema o tenei whare mo te kokiri Motini mai i runga ano i etahi take e kitea ana e nga Honore mema katoa e mea ana ahau ko te ritenga mo nga ara mahi me tuku mai he Apiti mo runga i nga mahi me te whakatikatika i nga ritenga. o te Pire a ko tenei Pire e mohio ana ahau kia tukua mai te paahi mo te korerotanga tuatahi, me te korerotanga tuarua, hoi muri ka hanga ai i nga rarangi.

P. Patapu—E mea ana ahau me ata mahi mehemea ranei ko te ahua o tenei Pire, o pera ana mete Pire i paahitia i te waipatu i te tau 1892. Mehemea i haere penei ka ata marama ano otira ko toku hiahia me korero ano te Honore Mema i te ritenga o tenei Pire no temea ko tenei Pire nate Kawanatanga kihai i paingia e ratou, a kua tango enei iwi i taua Pire mo te taha kia ratou e mea ana ahau he ritenga pai ano tenei pera hoki me toku iwi e mahi ake ra i taua kohi me tetahi atu iwi pea e kohi mai ra i ta ratou ake moni.

Hone Heke—Kaore tenei Pire e takahi ana i nga Pire moni kua paahitia i te Waipatu me Pakirikiri mehemea e hiahia nga iwi kia haere ratou i runga i te ahua o nga Pire kua paahi i mua he mea pai ano a ki te haere i runga i tenei mehemea e pai ana.

Kua mutu te korero mo te Pire kohi moni a H. Rapihana kua nekehia mo a te 7 p.m.