Pika me te Tiamana

Nga mema i noho e 38.

Pika—E mea ana ahau me tuku atu te Pooti mo te Pire kohi moni.

M. Te Ata—Taku kupu me unu te Kawana anga i taua Pire moni, a me unu hoki te Aputihana i tana kupu turaki kua marama he mahi ma tatou ko enei raruraru kotoa na te Aputihana raua ko te Kawanatanga.

Keepa Rangipuawhe—Kaore atu he kupu maku notemea kua pau nga ra mo tenei Pire tae atu Kinga kupu kua pau katoa etira ki te pai me korrero tonu te whare e puta ake ana ahau ki waho he haeroere noaiho.

R. Wharerau—Ko te whakaaro a te Kawanatanga me mahi tenei Pire kohi moni a te 2 p.m., ko te whakaaro a te Aputihana me pooti te Pire ki te hinga, me hinga ano hoki te Kawanatanga heoi ko te kupu a te Kawanatanga mehemea ka hinga i a e whaimana ana i a ki te whakaneke i tenei Paremata me a tera tau heoi ko taku hiahia e pai ana me mahi tenei Pire mo te takiwa o te Porowini o ngapuhi, anake te moni kohi e 2s, i te tau.

Pika—E mea ana me whakarite ano hoki tetahi ma te arawa ara penei me ta te Minita o te Kawanatanga i korero nei.