Ke ahau e haere ana apopo i te 9 a.m. he nui no aku raruraru o muri i ahau, hei konei kia marama te mahi a te Runanga me te whakahaere hoki i nga tikanga e puta ai te pai me te ora ki nga iwi Maori o Aakaroa me te Waipounamu me era atu motu e ki i ana ko Nui Tireni, e mohio ana ahau tera e mahi pai nga mema o nga whare e rua, ara te whare i Kowhiria e te iwi, menga mema hoki e te Runanga Ariki ka ata rapu hoki ahau ki nga kupu o tenei mahi uaua kia rite nga hiahia o o te iwi Maori, a kanui hoki te hiahia kia pai te rapu ate Runanga i nga take pai e ngawari ai mo runga i te Runanga a Mahuta Tawhiao Kingi ka tu ki Maungakawa ma te runga rawa koutou a whakamarama io koutou mahi mo to koutou haere ki reira me to koutou hoki mai ki o koutou kainga, a e noho koutou i runga i te mahi nui hei ora me nga potiki e tupu ake ana i muri ia tatou.