Pire Kohi moni.

H. Tukino—E he ana te korero a te Aputihana nana ake i haere ki nga takiwa o Te Whiti o Tawhiao me Rotorua notemea i haere mai a ia i raro i nga mahi a te Kawanatanga o H. Mangakahia i taua wa. I te wa o ta matou Komiti i Poneke i te po o te Rahoroi ka oma mai te Riira o te Aputihana a H. Tomoana a ngaro tonu mai, i muri i a ia ka noho noa atu matou, i runga i te hui a te Kawana. He tini atu nga raruraru o te Riira o tenei Aputihana me tana kupu e ki nei ki te riro mai i te Aputihana te tuuru o te Kawanatanga ka pai atu i nga pai katoa. Ki taku mohio he kupu noa iho tenei na te honore Aputihana mo nga moni e meingatia nei i pau i te Pirimia Whatahoro. E tika ara pea e he ana ranei note mea kei te ngaro atu ano a ia ko Timoti Whuia tetahi o nga Minita tiaki moni a tenei Kawanatanga, a i marama rawa hoki ana korero i Pakirikiri a perehitia rawatia ana ki roto ki nga pukupuka o te Paremata o te tau 1894. Ko taku mohio ko te Riira o te Aputihana nei e kore rawa ia e kaha hei Pirimia mo tenei Kawanatanga engari ano nga honore mema o te Koroni, otira e raruraru raua. No reira ahau i mea ai kaore atu ho tangata hei arahi i tenei Kotahitanga ara ia H. Mangakahia te Pirimia.

Mo te kupu a te Honore Mema o Whanganui ara P. Patapu, me unu rawa atu tenei Pire pera ano me te korero a te Aputihana. E rere ke ana enei korero i runga i te ahua o te Pire a te Kawanatanga a ekore ano hoki e taea ma nga mana Rangatira anake e whakaaro te mahi kohi moni. E mohio ana ano ahau e tika ana tetahi wahi o te kupu a Te Arawa otira ko nga whakararuraru nui e pa ana ki runga o tenei Pire na te Aputihana a mehemea e ki penei te Aputihana ki te tu a ia hei Kawanatanga ka whakahua rawa i tana moni nui e rite ana mo tenei mahi te rite he mea pai rawa te tuku atu o te Kawanatanga ki a ia ki te mea mana e whakatu he kohatu hei pou mo tenei Kotahitanga.

M. Heretaunga—Kei te pai ano nga korero a te Honore Minita i noho iho nei tae ki nga raruraru e korerotia nei e ia a ko nga moni page 38e ngaro ana i te Pirimia na te Kawanatanga tena moni, no reira kia ata rite era moni hei reira ka tuku mai tenei Pire, i te mea e ahua raruraru nga iwi i runga ano i tenei ahau.