Rarangi 5.
Mo te Pire Kirihipi.

Me tae mai i te ono marama i muri o te tunga o tenei Paremata me tuku ma nga tangata katoa i whakaritea nei e te Paremata hei mau haere i nga Kirihipi kia hainatia, hei Ripota ki nga Minita o te Kawanatanga me to ratou Pirimia hei whakamarama mai i te ahau o a ratou mahi a ma te Pirimia e karanga ona hoa Minita ka whakaatu ai i te ahua o te kaha me te ngoikore ranei o te whakahaere o te mahi haina i a ratou kirihipi me era atu raruraru e puta ake i runga i a ratou mahi.

Na te Pirimia me te Kawanatanga.

Kua paahitia tenei rarangi, Aperira 4, 1895, i te 2 p.m.

Pire Kohi Moni a te Kawanatanga.

H. Mangakahia (Pirimia)—E te Runanga e mohio ana koutou he mea tika kia kohia he moni hei mahi i enei mahi katoa a ma te moni ano e tika ai nga mea katoa, penei me nga kirihipi e hiahiatia nei mate moni anake ano e riro mai ai ko nga mahi katoa e mahia ana me nga pene-mangumangu Pepa me era atu mea katoa ma te moni anake ano e tika ai no reira i tukua atu ai ki to koutou Runanga kia tirotirohia te Pire a to koutou Kawanatanga a kaore ano hoki te Kawanatanga i kaha ki te whakaingoa i te nui o te moni hei kohinga ma te tangata.

H. Tomoana—No te 1892 i tu ai i ahau tenei Kawanatanga ki te Waipatu i runga i te whakahaere pai, marama e ora ai te Iwi Maori a whakaaetia ana o au a H. Managakahia hei Pirimia mo te Kawanatanga. I hanga i taua page 36tau he Pire kohi moni a kohia ana he moni purangatia atu ana nga moni kia ia.

I muri i a H. Mangakahia Pirimia ka tu ko Te Whatahoro hei Pirimia ka hangaia he Pire kohi moni e tera ka kohi nga Rangatira ko te moni i puta i reira e £300, me taku mohio ano ma taua Pirimia e pehi tenei Kotahitanga ki raro, heoi ano te mea i kaha i aua Kawanatanga ko te hanga ture.

Ko tenei Pire a te Kawanatanga i mea nei hei utu waea reta me nga haerenga. E tino he ana tenei Pire notemea tera e riro ke hei utu mo nga haerenga o nga tamariki.

Hei utu i to kirihipi. E tika ana ano tenei, Pire otira e 2 pauna te utu o te kirihipi me pehea te nui nga o nga moni.

Hei utu i nga karaka, me te pirihimana me nga pukapuka e he ana tenei rarangi.

Mo te whakawhiti ki Ing rangi e ngari tena. E nga mema taku hiahia me turaki e tatou tenei Pire me panga ki who a me hinga tenei Kawanatanga me whakaara e tatou he Kawanatanga hou a mohio ana ahau e kino ana nga Iwi ki tenei Kawanatanga ko taku hiahia me whakaae noa mai ratou me tuku iho ratou i to ratou tunga me riro i a tatou te tuuru, a tera e oti pai enei mea katoa ina riro mai te tuuru o te Kawanatanga i a tatou. Notemea ko toku hiahia kia ngawari te mahi ki nga Iwi. Tukua te haina kia oti hei muri ka kohi moni.