Menemana.

Nga kai-mau i te kirihipi ki a Kingi Mahuta.

M. Te Ata—Mehemea ko enei tangata i whakaingoatia kei whakahaere i nga korero o te Kotahitanga ki reira ka nui te pai, a tena ke ano hoki nga kai-mahi mo te kirihipi.

H. Tukino—Kei te pai te rarangi ingoa a N. Tautau i tuku mai nei a he hiahia hoki toku me apiti ara me te huihuinga hoki o nga Rangatira o nga hapu e haere ki Waikato.

H. Hau Te Horo—Ko te whakaaro a Te Arawa e penei ana ko to Kotahitanga anake e haere kaua te Kawanatanga notemea ko te Kawanatanga hei ngarara whakahaehae ki a Waikato.

H. Tukino (Minita)—Ka panuitia atu kia rongo koutou.

H. Haute Horo—E tono ana ahau me unu tonei take kia waho ki korero a Te Arawa.

H. Heke—I tu te huihunga nui o te Kahui Wananga i mua atu o tenei Paremata ara ko te kupu i puta i a Te Keapa Rangipuawheraua ko Petera Tukino me Te Arawa notemea ko te whakatau potoa Te Ara wa kua whakaae ratou ki te Kotahitanga me tenei Kawanatanga Maori, a kua tu hoki a Te Keepa hei Pika mo tenei whare he tohu no tona whakaaetanga, ki te Kawanatanga Maori a ko Petera te Pika o te Runanga Ariki he toho no tona whakaaetanga Otira e tenei Runanga o tautoko ana ahau ki tenei kupu ko tenei Kotahitanga katoa o Te Arawa o nga hapu katoa e noho nei e haere ki te hui a Kingi. Mahuta o Te Kauhanganui, i runga anoi te tono mai a nga Minita o te hui o te Kahui Wananga E mohio ana ahau ko te koutou kino e Te Arawa kei tenei ingoa Kawanatanga. Ko te ritenga o tenei ingoa he huihunga rapu tikanga o te kotahitanga, no reira kaore tahi he ritenga kia mataku koutou ki tenei ingoa ki te Kawanatanga, otira e pai ana me neke ki waho me tuku ki a Te Arawa.

M. Te Ata—Kaore an e whakaae.

H. Rangimatini—Tauteke.

T. Hapimana—Mo te mau i te kirihipi ki a Te Whiti i Taranaki.

H. Heke—Ko Te Whiti he tangata metauranga nui he pa tiketie o mea ana ahau me whakaaro nui tenei mea ara ko nga pu mahara e tuku ki a Te Whiti i te tuatahi hei muri ka tuku tu i nga tangata me te kirihipi.

H. K. Taiaroa—E mohio ana koutou e nga mema i tae a Henare Tomoana ki a Te Whiti a pakeke ana a ia a. Ko te Motini nei e mea ana au ka nui te pakeko notemea ko o ratou whenua koi raro i te mana o te Karauna meto Kai-tiaki o te Katoa, a e mea ana au hei page 35muri o te hui o Kauhanganui ata whakarite ai nga tangata mo te haere ki reira a me haere katoa ranei i te Kotahitanga katoa ranei ki reira a tera ano hoki a Te Whiti e pai penei me Te Arawa. Na te tini o nga tangata i tae mai uei i pai ai a Te Arawa ki te haina mo te kirihipi a me penei ano hoki tera.

P. Patapu—E tautoku ana ahau i nga korero a H. K. Taiaroa mehemea e pai mai a Kingi Mahuta ki a tatou ko tatou me ia e haere katoa ki a Te Whiti.

H. Heke—E tika ana ano nga korero a nga honore mema hei te Kauhanganui whakatakoto korero ai te Kotahitanga mo te taha kia Te Whiti, heoi ko taku kupu tera e kore e taea e tenei Kotahitanga te noho huihui ki reira ki te wahi kotahi i runga ano pea i nga raruraru no reira e mea ana ahau hei konei ano tenei Runanga whakatakoto ai i te otinga pai o tetahi kupu mana mo te taha ki a Te Whiti.