H. Mangakahia—Ka ahei noa atu ki te whakahua ingoa ahakea i wahi ke atu.

M. Teata—Mo te Aupouri ma H. Rapihana e mau te kirihipi mo reira me ona hoa.

Mo Taranaki ma P. Patapu raua ko Takarangi me a raua hoa. Nga tangata o konei kaore au e mohio notemea ma nga rangatira tonu o konei e haere mai ai nga tangata ki te haina kaati kei a ratou to ratou ritenga.

H. Mania—E tino tantoko ana ahau.

H. Rangimatini—Ma nga mema o Tuhoe e mau haere te kirihipi ki a Tuhoe ara ma.

• Wakaunoa Te Purewa
• Korowhiti Te Purewa
• Hamuera
• Ngapuki Irehei
• Hou Teiki
• Numia
• Mehaka Takopounamu
• Whenuanui
• Ahikaiata
• Tamaikoha
• Rakuraku
• Netana
• Makarini Tamarau

Mau i te haina mo te kirihipi.

Ko to ratou ara haere ki te mahi kei a ratou ake.

T. Wetini—Ko au tetahi me whakapiri ki te taha o ta Tuhoe ara whakahaere mo te taha ki a Ngatiawa.

H. Tukino (Minita)—E mea ana ahau ko Timi Waata hei hoa mo nga tangata e haere o te taha ki a Tuhoe ahu atu me te ahu mai.

K. Te Purewa—Tautoko ko Timi Waata tetahi me haere hei hoa mo matou.

H. Rapihana—Kaua e whakataua te wahi maku engari kia koreretia ra ano taku Motini i te ata nei.

P. Patapu—E tono ana ahau i te pooti.

H. Mania—Tautoko i te pooti.

H. Heke—Kaua e porangitia te tono i te pooti, notemea ho maha nga wahi e toe ana.

A. Apiata—Ka mea:

• Nepia Matenga.
• Hira Rangimatini.
• Aporo Apiata.
• Ngatiawa.
• Pore Moturau.

Nga tangata hei mau i te haina o te kirihipi mo te taha ki a matou (kia ngatiawa).

H. Tukino (Minita)—Ko Raureti P. Mokonuiarangi, raua ko H. Hau Te Horo, etahi tangata e rite ana mo te mau i te kirihipi.

A. Moturau—Maku ano e whakahaere te wahi ki taku hapu.

Hau Te Horo—Kaore oku hiahia ki taua mahi, ke toku hiahia he whakarapopoto i nga mahi, engari a E. H. Karaka raua ko Mane me Taimona Minita hoki o te Haahi. Ko taku whakarapopoto i a matou ano kia wawe te hauia ki te kirihipi.

H. Terake—E mea ana ahau ko Raureti, ko Hau Te Horo me te Aramoana, ma ratou e mahi te kirihipi mo tenei taha o Te Arawa.

K. Kiwa—Nga mema hei whakahaere i te kirihipi mo te taha ki te Aupouri

• K. Kiwa.
• Wiremu Ihaia.
• H. Rapihana.

H. Werahiko—E mea ana ahau me whakarite he tangata tuturu mo te mahi i te kirihipi ko Timi Waata o te taha ki Opotiki, page 32ko Mane me Raureti o te taha ki a te Arawa nei.

Nga Ripoata a te Runanga Ariki.

Kua neke 7 p.m.

Ripoata no te Runanga ariki.

1. Ki te Pita me te Tiamana o te Runanga whiriwhiri me nga Mema Honore Katoa.

Kua paahitia e tenei whare te Ripoata mo to Komiti whiriwhiri, ko nga mema i kowhiria koia enei:

1.	Teira Tiakitai.
2.	Takarangi M. Kingi.
3.	Petera Paerau.
4.	T. R. Te Ariki.