Ko enei kupu whakamarama e whai ake nei i roto i tekiona rua o taua Ture ka kiia mo runga mo nga tikanga o taua Ture timata mai i te mananga o "Te Ture Whenua, 1892," e penei ana ona ritenga ara:—

"Whakapainga" me nga "tino whakapainga" e korerotia ra i roto o taua Ture he tino whakapainga pena ano me era e korerotia ra i roto i "Te Ture Whenua, 1892;" "Te Ture Whenua, 1885," tona tikanga ko "Te Ture Whenua, 1892," me nga Ture whakatikatika katoa, me nga Ture riwhi i taua Ture:

Nga kupu "ngaki," "ngakinga" i roto o taua Ture ka penei tona ritenga mai ano i te mananga o taua Ture, ara ko nga ritenga o aua kupu e korerotia ra i roto o "Te Ture Whenua, 1892."

Mo runga mo etahi riihi (haunga ia nga mea mahi i raro i tetahi whakatau) erangi ko nga mea i mahia tera ranei e mahia e te page 3Kai Tiaki i raro i taua Ture, i raro ranei i etahi Ture kua whakakorea e taua Ture a kei te wa e timata ai te mananga o tenei Ture a ko te whenua kei roto o aua riihi kua whakapumautia ki etahi tangata mo nga tau katoa o taua riihi a mehemea ranei he tokorua maha atu ranei nga tangata e pupuri ana i taua riihi i aua riihi ranei a kei te hiahia aua tangata katoa ki te whakarere i aua riihi kia ahei ai ia tangata ki te tango riihi motuhake mo tona wahi mo tona wahi o taua whenua e riihi nei a ki te mea e whakaae ana ratou ki te wehewehenga o nga moni reti me nga kawenata, tikanga ritenga katoa hoki i roto i nga riihi motuhake, me te whakaae ano hoki o te Kai Tiaki ki taua whakarerenga me te tuku atu i nga riihi motuhake mo nga wahi o te whenua i runga i nga utu me nga kawenata ritenga, kirimina aha ranei heoi ka ahei te Kai Tiaki ki te whakaae ki aua whakarerenga me te tuku atu i etahi riihi hou, mea motuhake mo ia wahanga o te whenua ki ia tangata ki tetahi tangata e paingia ana me te whakarite rite hoki i te moni reti, me nga ritenga kawenata tikanga aha ranei e mau ana kei roto i nga riihi kua whakarerea nei i runga i nga ritenga e maharatia ana e te Kai Tiaki te tika.

Erangi ko nga utu katoa me nga whakahaerenga o nga riihi kua whakarerea nei me te mahinga o nga mea hou me te whakaotinga, me nga pane Kuini me te rehitatanga ma nga tangata no ratou te hiahia ki enei riihi hou, motuhake, e utu.

Ka kiia inaianei i runga i te tikanga whakapumau, timata mai i te wa i tukua nga hea me nga whai paanga ki nga tangata no ratou etahi whenua i raro i te ritenga o te tekiona te tekau ma rima o "Te Ture Whakanohonoho i Nga Rahui o Te Tai Hauauru 1881 Ture Whakatikatika, 1884." Ko nga tangata whai paanga me a ratou riiwhi i o ratou matenga i raro i nga ritenga o taua Ture, aua Ture kua whakakorea ranei koina ano nga tangata e tika ana ki aua hea whai paanga kua oti nei te whakarite a ka tino tuturu rawa taua whakaritenga hea a e kore rawa e whai mana tetahi whakaritenga wehewehe roherohenga ranei o te Kooti Whenua Maori o tetahi Tiati ranei mehemea e whakarere ke ana, e whakatikatika ana i aua hea whai paanga kore rawa e whai mana mehemea e pa ana taua whakaritenga ki taua whakaotinga, whakaritenga tuatahi e korerotia nei.

Erangi mehemea kua haere te mahi a te Kai Tiaki i runga i aua wehewehenga, roherohenga etahi atu ota ranei me te whakaputa moni i runga i aua wehewehenga ra, heoi ka kiia i tika tonu i mana tonu ana mahi katoa e whakarereke ana, e aha ana i nga ritenga me nga whai paanga o nga tangata kua oti te whakariterite i te tuatahi ra.

Ko te rarangi ingoa kei te Tari o te Kai Tiaki o i te wa i timata ai "Te Ture Whakanohonoho Rahui o Te Tai Hauauru, 1892," ara no te rarangi ingoa o nga tangata karaati whai paanga, me nga kai riwhi o te hunga kua mate kua oti nei to wehewehe me te whakariterite i o ratou hea. Koina ano te rarangi ingoa i runga i te mea kua oti te page 4whakatikatika e te Kai Tiaki ia wa, ia wa, a koina hei tino tohu mo te tika o nga tangata e mau nei a ratou ingoa ki taua rarangi kia whiwhi ki nga hea, whai paanga e korerotia ra i roto.

Ko nga utunga moni me nga mahi me nga whakahaere katoa ahakoa pewhea, me nga mea i mahue i te Kai Tiaki te whakahaere, te mahi, ka kiia e tino mana katoa ana ano i mana tonu tenei rarangi i taua wa.

E kore e mana kore nga hui huinga i me nga whakahaere i raro i tekiona waru o taua Ture ahakoa i he, i hapa i raruraru nga whakahaere, nga tono kia huihui mai pewhea ranei; i runga ranei i te urunga o etahi Maori ki aua whakahaere kaore i whai take ki aua huihui. A ka tino mana tonu nga whakahaere katoa katoa i mahia e aua huihuinga ahakoa he mea i hapa, he mea i warewaretia, he mea i mahue, he tangata Maori take kore ranei i uru atu ki aua whakahaere, heahakoa ka mana tonu.

Erangi e kore e waiho te whakamananga o aua huihui ra hei arai i te Kai Tiaki, mehemea e hiahia ana ia ki te karanga i tetahi huihui ano amuri ake nei, a ki te karangatia peratia e ia he huihui hou heoi ka kiia kihai i whai mana nga whakahaere o te huihui tuatahi.

Ka kiia i mana tonu tenei tekiona tae mai ki te wa i timata ai te mana o taua Ture.