[Petition, 23 May 1893, seeking self-government by Māori]

Kinga Rangatira mete Tumuaki me nga mema ote Runanga Nui kua hui ki te Paremata.

He Pitihana Whakaiti onga tangata Maori i kowhiria e nga iwi Maori ote huinga kotahitanga o Niu Tireni.

1.	Ko o koutou kai inoi me nga tamariki me nga uri ote iwi Maori nui tonu i ata koropiko i ata rere marie ki raro ite mana ote Karauna o Ingarangi i noho ai ite tau 1835 me te tau 1840 i runga i te Tiriti o Waitangi ka whakaurua nga Maori o Niu Tireni ki roto ki te mana me te Rangatiratanga o Ingarangi o te ao katoa.
2.	Ko a koutou kai inoi me a ratou matua i hiahia rawa i muri mai o taua wa kia ata noho pai ratou ko nga pakeha e haere mai ana ki enei motu noho ai kia akona hoki ratou ki nga mahi whakawhai rawa me nga mahi ote Rangimarie.
3.	Note takiwa i tuturu ai ki nga iwi Maori te whakapono kia Te Karaiti ka noho ratou i runga i te Rangimarietanga kua whakarerea hoki nga tikanga o mua ote iwi Maori ara note urunga o nga Rangatira ki te whakapono kia Te Karaiti.
4.	Muri iho i tena ka tukua e nga iwi Maori nga herehere i mau i nga whawhai i mua kia hoki ki o ratou kainga me o ratou iwi ka puta hoki i reira i roto i te hinengaro ote tangata te hiahia ki nga mahi rapu tikanga e puta ai te pai me te ora, me te hiahia ki nga mahi ahu whenua kia whiwhi kia ratou.
5.	Note takiwa i whakarereketia ai te ahua ote kawanatanga ki Niu Tireni nei a whakaturia ana ko te Paremata i te tau 1854, kaore hoki o koutou kai inoi me o maton [sic: matou] kaumatua i marama ki taua tu kawanatanga ahua hou. He tokomaha hoki i mahara hei tamaihatanga tena mo runga i nga iwi Maori ara hei mea whakatina ena mo ratou.
6.	Na runga i tenei whakaaro, ka mea etahi onga iwi kia whakaturia he kingi Maori mo ratou engari kaore ratou i mea kia rere atu ratou ki waho ote mana ote Kuini. Engari he mea ma taua kingi, me tona Kaunihera e hoatu he tikanga ki nga iwi ote motu, e whakarongo ai ratou ki te ture, a mate kawanatanga ote kuini e whakamana taua mahi.
7.	He nui nga tangata i ngakau pawera kei riro o ratou whenua i nga mahi ate kawanatanga hou no reira ratou ka whakakotahi, hei whakakore i nga Ture katoa.
8.	I puta i roto i aua whakahaerenga nga whawhai me nga raruraru i mate ai nga iwi Maori i roto i ga [sic] tau maha.
9.	I roto inga whawhai katoa a te iwi Maori ratou ko nga pakeha i muri mai ote otinga ote Tiriti o Waitangi tae noa mai ki tenei takiwa he nui nga Maori, api i ki nga kai inoi i uru ki te taha ote kuini whawhai atu ai ki o matou whauaunga Maori ano.
10.	Mehe mea kgore [sic] i whakaurua atu nga maori meo koutou kai inoi ki roto ki nga hoia ote kawanatanga penei kua mutu te mana ote karauna o Ingarangi ki Nui Tireni i taua takiwa kua peia atu nga pakeha kia haere.
11.	Ite tau 1865 i whakaturia he kooti i huaina ko te kooti whenua maori, hei kimi i nga tangata pono, tika, kinga whenua onga iwi me nga hapu ara i runga inga tikanga maori.
12.	Ko te mahi a taua kooti i kino i i te tanatatanga mai rano, note mea i tukua e te kooti nga whenua o nga iwi me nga hapu ki nga tangata kotahi tekau. Na i runga i te ture i mahia ete kawanatanga hou, i whai mana taua kotahi tekau ki te hoko atu i nga whenua ote iwi nui tonu. Ko nga moni utu o aua whenua, puritia ana hei moni ma ratou, i whakapaua noatia atu ranei.
13.	I runga i taua tikanga kua riro ko taua tekau tangata hei whakamate ite whenua me te iwi. Kua tu ko ratou nga tino tangata, no ratou ake te whenua, ko te iwi hei pononga.
14.	Note kitenga ote kawanatanga hou ara ote Paremata ite he o ta ratou mahi tuku i nga whenua onga iwi ki te tekau tangata, a, kaore i kiia hei kai tiaki noa iho aua tangata tekau mo te iwi kotahi. Ka mahia tetahi ture ke ite tau 1867. Ko taua Ture i mea me tuhi ki roto i nga pukapuka ote kooti nga ingoa o nga tangata katoa, no ratou te whenua, me te tekau tangata ano. No reira kua kore e ahei taua tekau tangata ki te hoko ki te mokete ranei i te whenua ote iwi.
15.	Ki te whakaaro o a koutou kai inoi, ko taua Ture o te tau 1867 te Ture pai atu onga Ture katoa I mahia e te Paremata mo nga whenua Maori.
16.	Ite tau 1873 i mahia e te Paremata te tahi Ture rereke noa atu, I taua takiwa ka timata te nui haere o nga raruraru, me nga mate ote iwi Maori. Ka a matou kawenga e waha ana i nui haere te taumahatanga tae mai ki tenei ra.page break
17.	Kua nui haere i naianei te pouritanga mete kino ote mahi ate kooti whenua Maori he mea [unclear: whakakino] tangata i a, e hara i te mea whakapai tangata.
18.	I runga i nga Ture i whakaturia i te tau 1873 i muri mai hoki he nui nga tangata Maori i kiia no [unclear: atou] ake nga whenua ote iwi katoa a, kua hoatu, te mana, kite tangata kotahi rua rua ranei hei take mai i runga kite whenua ote iwi nui tonu, I nga kereme o nga pakeha hoko whenua riihi whenua ranei.
19.	Ko tenei mana ote tangata kotahi hei homai raruraru ki runga kite whenua ote iwi, kaore i kitea i [unclear: to] i nga iwi Maori i mua. Note mea na te iwi katoa na te hapu ranei te whenua.
20.	I runga i tenei tu mahi ate tangata kotahi kua whaka nohoia nei ki runga kia matou e nga Ture i [unclear: ahia] i te Paremata, kahore i ahei i a matou te whakahaere ia matou whenua te hoko te aha ranei, e penei [unclear: ia] matou me te kahui hipi kahore he hepara e atiati haeretia ana piko atu, piko mai.
21.	Kua whakaitia, kua whakakuaretia hoki matou nga Maori e nga Ture i mahia e te Paremata i te [unclear: whakahaeretanga] hoki a nga kooti whenua Maori kote mana o nga Rangatira me nga Ariki kua whaka [unclear: aromia] ko matou kote iwi nui ote motu nei kua pakarukaru, ko nga iwi kainga kua whakamatea.
22.	Ko o koutou kai inoi e hiahia ana kia ata whakahaerea nga whenua e toe ana kia matou i runga i ara tika, me te whakaaro mohio hei oranga mo matou, me a matou tamariki. Te tahi kia ata tahuri ki a mahi ahu whenua, kia whai hoki ki ta te pakeha ki tana mahi i ana rawa.
23.	E mohio ana o koutou kai inoi tera ano e taea nga iwi me nga hapu te whakahaere i a ratou [unclear: anga] katoa me o matou rawa mehemea e tukua ana matou kia pera.
24.	E kore rawa e taea te ata whakaatu i te katoa onga he, me nga mate e pa ana kia matou me o [unclear: tou] iwi i runga ite whakahaeretanga o aua Ture, e korero nei matou kua nui nga tau i [unclear: akaarahia] ai e matou to matou reo kite whakahe ki aua Ture otira he maumau korero noa ia.
25.	Kaore matou e mohio ki tenei tikanga ara ko nga tangata whaimatauranga e tukua ana e nga gata [sic] ote motu nei ki te Paremata hei kai hanga Ture tika, otira e waiho ana matou e aua tangata kia [unclear: ahia] kia whakamatea i a tau ina hoki e kiia ana he mahi i nga mahi pai mote iwi Maori tanga [unclear: wanatanga] katoa e hiahia ana, kaore he mahi kino.
26.	Hua noa he tika kia waiho to koutou Paremata Rangatira, ki nga he e korero nei matou. Otira [unclear: i] rongo matou e iti ana te whakaaro ki te taha Maori. Ko nga karanga me nga inoi a matou e rite ana [unclear: te] reo tangata e wawaro ana, ano he hau.

Na konei matou ka inoi ki to koutou whare Rangatira kia tukua mai he mana kia matou e taea ai e mea ara.

E tuturu ana ta matou e tono atu nei kito koutou Whare Runanga whiriwhiri i runga ite whakaaro me te tika mo nga tono a o koutou kai inoi. A ka inoi tonu o koutou kai inoi.