Paremata Maori: Waipatu 1893
7 P.M
7 P.M.
Pika: Ma Heremia te taima i naianei.
H. Te Wake: E whakahe ana ahau ki tenei Ripoata i te mea kaore i homai tetahi menemana, i pangaia noatia atu a tatou mahinga. Kaore rawa he mahinga a tera whare.
E pouri ana ahau mo to tatou whaka-ritenga ki te pakeha. Ko konei te wahi era e kaha. ko tooku takiwa e kore rawa e kaha.
Me marama rawa ta tatou pooti i tenei mea. E kore rawa e haina nga iwi nei mehemea ka riro i runga i tenei meatanga, engari mehemea ko ta Heke kanui te pai.
Mangakahia: Kua tae ano tenei tatou kei runga i ta tatou tino mahi.
I roto i ta tatou menemana i hoatu e tatou ko te Pirimia hei whakamana i a tatou mahi, ko te tino tinana o tenei pire e patu ana i te kirihipi.
Kaore e kiia tenei pira he pire motuhake i te mea kei roto i tenei pire te [unclear: ingoa] o te Kawana me e te Hoko. Ki te whakaaetia tenei pire kia haere, ka mate tatou i te mea ka puare te hoko.
Kaore ahau e mohio ki te Take i patua ai te whaka-upoko o ta Heke. i te mea e tono ana tera i te mana Motuhake. Kaore tatou e kore te kite i te whakahe mo nga kupu o tenei pire.
Pika: Ko te take i kore ai e paingia kia wai ta Heke, he mea kia takoto topu ai, mo tera tau ka tuku ai. Ko te take i tukua ai ta Taiaroa he mohio e kore e pa he mate ki nga Iwi nei.
Mangakahia: Kaore rawa te Whare Ariki i te titiro ki nga kirihipi i a ratou e mahi ana i tenei pire.
page 67Kaore tahi he Hoko, he Mokete i roto i te Tiriti o Waitangi.
Pika: I tauoko koe i tenei kupu katoa, heoi anake te mea kaore koe i tautoko ko te Kawana anake.
Mangakahia: Ko enei pukapuka katoa haku anake i mahi, kaore i etahi atu tangata.
Katahi ano ahau ka korero i tenei kaore. E tino mohio ana ahau ki nga mahi o roto i nga pukapuka nei, kaore rawa ahau e tautoko i tenei pire.
Pika: E tino mohio ana a Mangahahia e kore e homai te Mana i runga i tana e korero nei, engari te haere i runga i te whakaiti.
Tamahau: Ko tenei pire rite tonu ki ta te Riihi, i mahia i Akarana. Kei roto i nga kahiti, kei te pai oku whenua. Heoi ano taku e mahara ana konga Iwi nei, kei te noho kuare ma. Katahi ano te mea nui kei roto i a tatou, ara ko te Hoko.
Nga hui i Wai-o-Matatini, Omahu, Wairarapa, Parikino he arai katoa i te hoko.
Mehemea tatou ki te paahi i tenei pire, e hoa ma, engari rawa a Hori Kerei e ki ana kia whaka-oratia te rarangi 2 ote Tiriti o Waitangi.
Konga tangata e riri ana kaua he Ateha kei te tautoko i tenei pire. Ko ahau kaore.
Mehemea i haere nga mema ki te kura [unclear: i] mua o te haeretanga mai kua mohio katoa ratou ki te titiro i te pire nei.
Kei hea he tunga mo te kotahitanga. Ka pau katoa nga whenua i te puaretanga kia hoko ano tatou.
Na te araitanga o te Hoko i uru mai ai nga iwi maha ki roto i te kotahitanga.
I runga i tenei e kore ratou e haina ano. Kua puta nga panui o te whaikorero a te Pirimia i Nepia ([unclear: Seddon]) ka hokona nga whenua Maori. Na konei ka mea atu ahau me ata tirotiro ano tatou ki ta tatou Ripoata mo te pire nei i tuku atu ra ki tera whare, me tuku atu ano tatou Ripoata. Mehemea ki te kore ratou e pai, he mea tika me tuku ki nga Motu nei.
Ko taku tino kupu tenei. He nui no taku aroha kinga Iwi nei i kaha ai ahau ki te turaki i tenei pire.
W. Te Perihi: Me whakahoki ano a tatou menemana ki roto. No mua te mate, no te urunga o nga mema Maori ki roto i te Paremata. Me pai ta tatou whiriwhiri i tenei pire, kia puta pai ai i mua o nga ture a te Pakeha.
Makoare: Ko Kaikohe me Tautoro kei raro tonu i a maua ko taku tuakana ko kuao. E kore rawa ahau e pai kia riro mai aku, whenua ki raro i enei ture a e kiia nei ka tangohia aua whenua.
Kaore ahau e haina ki tenei ture, kaore hoki a kuao i haina i tera whare.
N. Haari: No te timatanga mai ka tu ahau hei apitihana mo tenei pire, a taea noatia mai tenei taima. E tautoko ana ahau i ta Mangakahia e mea nei kaore ia e tau oko i tenei pire.
I te hui i te Tiriti o Waitangi (1891) i mea ahau kia kotahi he upoko mo tatou. Ko tenei pire kei runga i te pononga utu. Ko ahau i mea kia tu he Rangatira mo tatou.
Ko te take i kore ai a M Tawhai e tautoko he mataku nona kei tangohia tona penihana.
Ko tenei pire e takahi ana i te Tiriti o Waitangi. Kaore ahau e mahara kinga korero a nga mema e ki nei, kaore rawa he mate i roto i tenei pire.
I runga i to tatou tono kia whai-mana a.o tatou ki te hoko, kua takahi tatou i te Tiriti o Waitangi
Mehemea ki te hoatu tenei pire i naianei, kua kati te ara mo ta Heke.
He rite tonu tenei pire ki ta kerei, Otira e pai ake ana ta kerei, konga iwi whenua ka mate i tenei pire. E tino ki ana ahau kaua hei paahitia.
Ki te paahitia tenei pire, katu ahau ki te kii ki tooku iwi kia kaua hei haina.
page 68W. Kupa: Ko te kupu "Tu rite ki te pakeha," kaore ahau e pai. Konga whenua e tata ana ki te taha tai kanui te hiahiatia e te pakeha.
A Kume: Ko te pire tenei i whakaaetia e tooku ngakau. Mo te kupu "Tu rite," ae. E mea atu ana ahau, kia pera to tatou kaha. Ko te wahi e wehe ana ano.
Mo te hoko, kei roto ano i te Tiriti e ki ana me hoko ano tatou.
Mo te Kawana, E hoa ma katahi tatou ka tino eke rawa ki runga i te Tiriti o Waitangi. Koia tenei ko te ture, e ki nei tatou me haere tatou i runga i te ture.
Ki te haere tatou i runga i te kinga, kaore rawa a tatou e ora.
E tino mohio ana ahau kaore e paahitia (Reo, "He aha koe i tautoko ai") Ahe aha hoki koutou i kore ai e tautoko?
R. Wharerau: E tautoko ana ahau kia tukua tenei pire ki te iwi katoa. Mehemea he aroha tou e te mema o te Waipounamu, me tuku to pire ki te Iwi.
Tera ahau e whawhaitia e taku iwi, i te mea ko tenei pire e mahia atu ana hei patu ia ratou.
Me whakaae mai te mema honore nei ki taku kupu kia waiho tona pire mo tera tau.
N. Patuawa: Titiro tatou ki te haina tuatahi. Kaore tatou i mohio kei te he Hanga ana ano e tatou tetahi. Muri mai ko tetahi.
Muri mai ano ko tetahi. I naianei kua hui tatou, he kimi i te ora. Ko tenei pire e tono ana i te Mana Motuhake, penei me ta Heke.
Kei te pai katoa te mahara o Taiaroa ki te mahi i te ora mo tatou. Tena ko tewhea te pire ma tatou (Reo, ko ta Heke). Kua puta te kupu a Heke ko ta Taiaroa e haere i naianei. Mehemea ki te tautokotia katahi ia ka hoatu i tana.
E tino tautoko ana ahau i tenei pire, engari moumou haere mai ahau i te mea he kuare noa iho ahau.
Toroaiwhiti: E tautoko ana ahau i tenei pire. i te mea kaore rawa a Taiaroa i te mataku i nga Rangatira nei. Mohio ahau ko te take he mohio iho no ona, he, ora mo te Iwi kei roto.
Porokoru: Kaore ahau e tautoko i tenei pire ko Wanganui kei te hoko, otira kaore au e hapai i tenei pire.
Pika: Ka tukua atu tenei pire ki te whare, ka mutu nga whai-korero i naianei. Konga mea e pai ana kia paahitia tenei Ripoata a te Whare Ariki me ki mai Ae. Konga mea e kore ana e pai me ki mai No. Riro ana i te pooti a waha i te Ae. Tautohetia ana.
Pooti tuturutia ana. Konga mea i te Ae 25 i te N.o 22. Riro ana i te Ae.
Koia enei konga ingoa o nga mema i pooti, kia paahitia te tuturutanga o te pire a Taiaroa:—
1 | Taare Tikao |
2 | Whatahoro |
3 | M Paewai |
4 | Maniapoto |
5 | W. Ihaia. |
6 | J. Taiaroa |
7 | Amorangi |
8 | Uruamo |
9 | E Te Wano |
10 | H. Niania |
11 | R. Rangiheuea |
12 | H. Ropiha |
13 | Marumard |
14 | Kaharunga |
15 | Maarau |
16 | N. Patuawa |
17 | Maraenui 18 H. Te Awe Awe |
19 | W. Kaitaia |
20 | Tunuiarangi |
21 | H. K. Taiaroa |
22 | H. Paea |
23 | W. Toroaiwhiti |
24 | Timoti Whiua |
25 | Aperahama Te Kume |
Koia enei konga ingoa o nga mema kaore i pai kia paahitia.
page 69- Heremia Te Wake
- Makoare
- Mohi Te Atahikoia
- Pene Taui
- F. N. Haari
- Kawatupu
- H. Paerata
- Porokoru
- R Wirihana
- W. Kiriwehi
- M Haari
- R Wharerau
- W. Kupa
- W Te Perihi
- R. Huru
- W. Ngawhau
- H. Paraone
- Mangakahia
- Moetara
- Karena Kiwa
- Kipa Anaru
- H. T. Mahupuku
Pika: Ka nukuhia te whare mo apopo 10 a.m.