Paremata Maori: Waipatu 1893
Mane, 22nd Mei, 1893. — 10 A.M
[unclear: Mane], 22nd Mei, 1893.
10 A.M.
Pika: Me tuku mai nga motini i naianei.
H. Ropiha: E motini atu ana ahau kia pootitia ko ahau hei mema mo tatou ki te Paremata, konga mea kua korerorerotia ko:—
- Tunuiarangi
- H. Tomoana
- Wi Pere
- Mangakahia
- Ieni
E tino inoi atu ana hoki ahau kia riro ko ahau tonu hei mema, kaore ahau e pai kia tu a Wi Pere i te mea he nui o na mahi ki nga iwi nei, a he haurangi ano tetahi mahi ana. E kore rawa ia e hapai i a tatou mahi. Mo Tomoana, me noho ia, kanui mona, ko te kotahitanga. Mo Tunuiarangi, me unu mai e te kai motini tona motini, kia puare te ara moku.
Mehemea ki te tu ko ahau ka tino kaha ahau ki te mahi i a tatou mahi, a ko te moni e riro mai i au, ka hoatu e ahau ma te kotahitanga.
R. Aperahama: I homai tetahi mea nui e te 500 tangata o Wairarapa kia Tunuiarangi. Ka re ia tahuri i awhina, kaati ka pera ano ia i na tukua ko ia hei mema.
Mo Wi Pere, Aha koa ia haurangi ka pooti au ki a ia i te mea na ana tetahi pire nui o tenei hui. Ka pooti ano ahau kia Hori i te mea i tae ia ki Ingarangi.
A. Kume: Kua whakahautia mai ahau e Eikini kia whakahaere au i tona pooti, na konei ka tautoko ahau i a H. Tomoana ko tenei tangata kaore i roto i te kirihipi. Ko te take i tautoko ai ahau na te mea kaore tahi [unclear: ona] a ingoa kino i roto i nga page 66pukapuka Puru nei. Nui tona kaha ki te mahi mo te taha Maori, kaore ia i pai kia Takatia nga Maori.
Mangakahia: Kei te whakaae ahau kia pootitia ahau hei mema mo tatou. Ko ahau kai te mohio katoa kinga ara mo ta tatou mahi. E puta ana ki au i runga i aku mahi e £500 i te tau. I runga i taku mahara ki tenei mahi, mahue katoa i au. Ka penei ano taku kaha mehemea ka pootitia ko ahau.
Pika: Ka mutu mo tenei korero, kua tae mai te kupu a te komiti whiriwhiri i te whakaupoko o te kirihipi ki mai kua paahitia taua whaka-upoko. Konga mea e pai ana me ki mai Ae. 1, 2, paahitia ana.