Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Paremata Maori: Waipatu 1893

7 P.M

7 P.M.

Tiamana: Ka panuitia atu te whiriwhiringa a te Pirimia i tenei whakaupoko.

Marumaru: Kanui te marama ki au.

page 65

Pika: Konga mea e pai ana kia paahitia te korerotanga tuatahi me ki mai Ae.

Paahitia ana. A paahitia ana kia korerotia ano ta Mangakahia whakatikatika.

H. Ropiha: E mea atu ana ahau kia whakahokia atu ano enei mea e rua ki te komiti i whiriwhiria hei tirotiro i taua whaka-upoko.

W. Te Pirihi: E tautoko ana ahau i ta H. Ropiha.

H. Paea: Kua tae mai tenei kia tatou, a ma tatou e mahi i naianei.

H. Niania: E hara i te mea na te kirihipi nei i ore ai a [unclear: te] Waiaroa e haina, engari he mahara ano, kaati i te mea kua tae mai nei kia tatou i naianei, me mahi e tatou i naianei.

A. Kume: Kaore e taea e ahau te mahi i tetahi mahi pai atu i tenei. Me pine tahi raua, i te mea he kupu whakamarama anake mo te kirihipi.

R. Rangiheuea: E penei ana taku me ta A. Kume.

Tunuiarangi: Kua marama i nga pukapuka e rua nei, kaore e whaimana te kawanatanga ki te mahi i tetahi mahi kaore nei i paahitia e te Paremata.

Mehemea ka haere atu tetahi tangata ki waho o tenei kotahitanga, kua huri ke [unclear: Loa] atu tona mahara, a e hara i te mea na te kirihipi nei ia i puta atu ai, kaore, engari na tona ake hiahia ano kia puta atu ia.

Mo te kupu i roto i nga pukapuka nei "E whai mana ana te kawanatanga kinga mea katoa." E mea atu ana ahau, me ata waiho marika. Ana ano tona wa e taea ai enei Mana, otira ma te whare nei ano e tirotiro.

Pika: Konga mea e pai ana kia paahitia te korerotanga tuarua me ki mai ae.

Paahitia ana.

Ka nukuhia te whare mo apopo.