Paremata Maori: Waipatu 1893
Noho A Komiti
Noho A Komiti.
Tiamana (Taare Tikao): Mehemea koutou e pai ana kia homai he rarangi tekau e pai ana. (Paahitia ana.)
H. Ropiha: Mo te kupu e ki i te upoko o te pire nei, "kei te noho tarewa noa iho" kaore e pai, kaore ahau i te mohu kei te noho tarewa noa iho.
Kua kohi matou. E kore e marama i au kia hoatu ketia nga moni i kohia ki etahi atu mahi ke. Ma tenei mea katahi ka tino wehi nga iwi. Engari ano te penei na "ka whakatuturutia i tenei tunga o te Hui," katahi ka pai ki ahau.
Mangakahia: E tautoko ana ahau i tenei korero a H. Ropiha.
R. Wharerau: Ko ta te Tai hauauru me ta Ngapuhi tera e puta mai he ora ki te kawanatanga, ko tenei e kore rawa e puta mai, na reira ahau ka mea me nuku atu tenei pire mo tera tau.
Paerata: E tautoko ana i te R. Wharerau.
Marumaru: Mehemea ka haere tonu tenei pire, kanui te kaha ki te kohi, ki te waihotia mo tera tau kanui te ngoikore o te kohi.
N. Haari: He hoa pai tenei pire mo te kirihipi, koia tenei te ora mo te kawanatanga, kei pouri mai te kawanatanga.
H. Huriwai: Me unu atu to te Taihauauru me to Ngapuhi i te mea e pai ke ake ana tenei pire i era.
A. Kipa: Me puare ano tetahi rarangi hei kuhunga atu ma te kawanatanga i tetahi kupu.
H. Paeara: E tautoko ana ahau i ta Kipa.
Reweti: E tautoko ana ahau, me page 62hoatu he menemana. "Me whai mana tonu te kohi tuatahi."
"Me uru ano te kawanatanga ki roto."
"Me unu te ingoa o Wipere," ko te take ko etahi tangata e pai ko etahi e kore.
N. Patuawa: Kei te pai te pire, kaua te ingoa o te kawanatanaa hei eke ki runga, engari me waiho mo tera hui ka mahara ai te kawanatanga.
H. Te Wake: E tino pai ana tenei pire ki ahau, i te mea ko tenei te whakaaro a tooku iwi.
Tiamana: Kia mohio mai koutou, konga pire e paahitia ana na te kawanatanga Katoa, konga mea e pai ana kia paahitia tenei pire me ki mai Ae.
Paahitia ana te korerotanga 1.2.3.4.
Konga mea e pai ana ko te ingoa mo taua pire ko te "kotahitanga o te iwi Maori," me ki mai Ae. (Paahitia ana.)
Konga moni katoa kua riro mai i mua o te paahitanga o tenei pire me mana katoa i raro i tenei ture, (nga moni i riro mai nga Rihiita.)
Konga mea e pai ana me ki mai Ae.
Paahitia ana.
Nukuhia ana te whare mo te 7 p.m.