Maane, 15th Mei, 1893.

Ka tuhera te whare Ariki ka tu te Pika ka panuitia te pire a Hapa kuku, moetara kamutu te panui ka tukua ki te whare kia mahia tenei pire.

Paratene, Tamanuiarangi, Taku kupu e nga mema Honore me rere te pika ki raro o tona hea me tuku atu te Tiamana ki tona hea paahitia ana rere ana te pika ki raro tukua ana tona hea ki te Tiamana Aetia ana e te whare.

Ka tu te Tiamana me whakamarama au kia koutou e nga mema honore ko tenei pire kohi moni ote tau 1892, kua paahitia E te whare otera tau ko te pire e ki ana tenei pire kei te tarewa taua whakatau me korero au ite ture ote 1892 I tino mana taua pire otena tau.

Hapakuku, Moetara E whakapai ana ahau mo ta koutou ata kimi marire i te ritenga ote motini i tukua atu nei e au ki te whare Ariki hoi kua ata rapua marire tia nei a ata takoto pai ana te ahua hoi ko taku motini ka unuhia mai e au ki waho mo tera tau ka tuku ai ano ki tenei whare.

Ko Anaru Te Kahaki, E whakamoemititia ana e ahau te whakaaro o te mema o Ngapuhi i unu hia nei e ia tona pire ki waho e whakapai ana ahau I runga i te ngakau Mahaki Rangimarire koia ahau i tautoko ai te kupu E unu nei a hapakuku i tona pire.

page 23

Hone Mohi Tawhai: Ko te take o tenei pire he mea kia mohiotia kia wai nga moni takoto ai ko wai te Ingoa o te tangata hei Tiaki i nga moni ote kotahitanga no te mea kahore hoki i motinitia i mua E ko mea hei tunga mo nga moni ko mea ko te komiti ranei koia te take o tenei Pire.

Peni Tipuna: E tau toko ana ahau i tenei pire i te unuhanga ki waho ia hau e whakapai ana ko taku tautoko me waiho mo tera tau ka tuku mai ano ki roto ki tenei whare.

M. K. Rangihiwinui: E rua a korua kupu e te pika me te Tiamana ko te hea te kupu ma tenei whare i te mea e rua a korua kupu ma korua tonu e ki te whare nei me mahi koia tena.

Tiamana: Kua unuhia ra tenei ki waho no reira ahau i tuku atu ai ki te whare ka whakautu ahau i to patai kua unuhia ta Ngapuhi ki waho ta te taihauauru ki waho me ta Tamahau kua unuhia no reira ta Hapakuku ka tuku mai nei ki tenei whare.

Hapakuku Moetara: Kanui te koa o toku ngakau mo to koutou kaha kite huri huri i tenei pire kei te penei ano toku ngakau mo tatou e kimi nei.

Te Teira Tiakitai: E whahapai ana ahau mo te unuhanga ki waho i tenei pire heoi kua ki penei ahau mo te unu hanga i tenei pire ki waho.

Piripi Te Maari: E te Tiamana honore taku kupu ake mo te pire nei ko te pire nei he pire kohi moni mo tonei motu tae atu ki tera motu kua tu ake Anaru te Kahaki me nga mema ko taku mahara i tautoko ai ahau mo tenei pire e whakapai rawa atu ana ahau te take kaore ano kia oti noa tenei kotahitanga e penei ana toku mahara ko tenei moni me iri ki ruga ki nga iwi kua oti nei ki roto ki te kirihipi waiho mana nga kirihipi e haere ki te mahi heoi e tautoko ana ahau i te unnhanga. o tenei pire.

Takarangi, Mete, Kingi: E teTiamana kua rapopoto nga kupu a nga tangata kua rite tonu heoi kaite Tiamana te whakaaro.

Tiamana ka tuku te pooti ki te whare koia ka patai ko nga tangata e whakaae ana me unu tenei pire ki waho me hoki mai ano ki Tenei whare a tera tau, me tu nga ringa ki runga tuana e 21.

Ka patai ano te Tiamana, ko nga tangata kaore e whakaae me hoki mai tenei pire i tenei tau ano. Kaore tahi he ringa Itu Paahitia ana e te Tinmana kua unuhia tenei pire ki waho.

Wipere E hoa ma kaore he take i unuhia ia tenei keehi ki waho ko taku me whaka hoki mai ano kia korerotia.

Te Ware kaore kia whakaaetia.