Paraire, 21St, 1893. 7 P.M.

I te puaretanga ote Whare i te 7 p.m. ka hoatu te reta a te Tomoana ki te Pirimia (Whatahoro) kia panuitia atu ki te page 4Whare. Ko taua reta he unu i tona ingoa Pika, he whaka mutu hoki na ana i tona turanga Pika. I muri i tena ka heke iho a H. Tomoana, te Pika; ki raro i tona Tia I runga i te mea kua kore he pika. ka tu a Wi kaitaia ki te whakaari ia Taare Tikao hei Pika, Tautokotia ana e mohi Te Atahikoia. He nui ano nga mema honore i tohe kia hoki ano a H. Tomoana. Ko tetahi o aua mema ko Tamahau, otira kaore a H. Tomoana i whakaae. Paahitia ana e te Whare ko Taare Tikao hei Pika mo taua po anake. Ka tu a H. Tomoana ka ki ia ko tona taha ko te taha turaki Kawanatanga. E he ana te mahi a te Kawanatanga ki a ia.

Ka tu a Tamahau ku mea, kaua e tahuri e turaki i te Kawanatanga: ite mea e rua haora tonu e tu ana ki te Whakahaere i enei tikanga. Engari kia pai kia ata haere te mahi. I muri i tenei ka tu te Pirimia (Whatahoro) ki te whakamarama i te raruraru. Ka mea ko tenei raruraru na te reta mai o tera whare e mea mai kia whakaturia a Teoti Mutu me Kapa ki te Whare Ariki. Whakautua atu ana kia tu rano he tumuaki i te tuatahi mo tera Whare Kaore i mohiotia kua tu a Mohi Tawhai hei tumuaki mo tera whare. Na konei i raruraru ai te whare ko tenei raruraru he pohehe. Emea atu ana ahau kia hoki ano te Pika ki tona nohoanga ka tu a Taiaroa ka mea na taku motini i raruraru ai tenei whare. He pohehe tenei mate, me hoatu tetahi haora hei whakaarotanga mate Piko me te kawanatanga mo tenei tikanga. Ka tu a Tomoana, ka mea, he mea ata whaka hau ahau e te kawanatanga. Pirimia, kaore ahau e mohio ki tenei korero a Tomoana.. He maha nga tautohetanga mo tenei korero, otira kiia ana kia tu ano te whare ka whakaoti ai tenei korero. Ite ata ote Hatarei ka puare te whare, a nukuhia ana mo te mane kia tapu taua ra mo te hokinga o Heta Te Haara. Itu katoa nga mema ki te poroporoaki kia H. Te Haara me te peene ano.