Paremata Maori: Waipatu 1893
Paremata I Te Waipatu
Paremata I Te Waipatu.
I te 13 Aperira, 1893, 10 karaka ka noho te whare Kote mahi tua tahi i whaka ritea i tenei nohoanga, kote Rapu i te Tika ite he ranei o nga Pooti, Whiri whiria ana he Komiti oti ana, ko ia te nei—
- Keepa Taitoko
- P. Temari
- P. Tamanuiarangi
- R. Wharerau
- T. Whiua
- W. Taiaroa
- R. Kaitaia
Nuku hia ana te whare mote Mane 17 o nga ra, kia whai taima mote Komiti, ka tuku a hoki te korero ki nga iwi i te marae, I pau katoa taua ra inga iwi, ko nga korero whakakaha Tautoko hoki. I te whakaro, kia ahu i runga i te nei tikanga, ara I runga tonu i te wahi tuatahi tuarua o nga kupu i Puta ia te Hara te Tumuaki i te whaka puare tanga ai o te whare, i te 11 o nga ra.
Menga kupu whaka marama o Mangakahia, kinga Rangatira ki nga Hapu Menga iwi i hui kite Marae, ara mote tikanga o tenei Kotahitanga, e whaka haerea nei i raro i te Tiriti o Waitangi.
O tira konga kupu onga Rangatira i taua ra, i whai tonu i runga inga kupu ate Haara, te Tumuaki ara i te kaha i te ua ua i te Manawanui mo tenei Kotahitanga kia Pumau.