Ko nga whenua katoa kua hokona e whakaaetia ranei kia hokona i te Karauno i muri iho i te ruatekau ma iwa o nga o Hepetema tahi mano waru rau whitu tekau ma toru ahakoa he tino hoko he riihi ranei mo tetahi wahi whenua a ko nga whenua katoa e peratia ana te tango i ia wa i mua o te ra kua kiia ake nei i runga i te whakaae a ia page 3tangata whai take; me nga whenua Maori katoa kua tangohia e tangohia ranei e nga Maori whai take ki aua whenua ka ahei te tango mai ano e te Kuini mo te mahi maina anake i runga i te utunga ki te kaitango raihana ki te kaitango riihi ki te tangata ranei kei aia te riihi te raihana ranei hei utu mo aua whakapainga kua tangohia i runga i aua whenua i runga ano ia i nga tikanga a muri nei whakaritea ai haunga ia nga keringa koura me nga keringa mea pera.

Kainoho e uru mai ana nga kaitango riihi me nga kaitango raihana tetahi atu tangata ranei e tino noho ana i runga i taua whenua ki tenei kupu na "Kainoho Mahi maina" i hui atu ki nga tikanga o aua kupu nga mana ki te noho i tetahi whenua e takoto ana i te tana o tetahi awa o tetahi whenua ranei e hiahiatia ana hei whakahekenga wai tunga wai hei awa tahinga i nga paru, turanga mehini mo tetahi atu mahi ranei e pa ana ki te mahi maina mo te koura me te hiriwa.

Ka ahei tetahi tangata te tono ki te Minita i runga i nga tikanga o te Apiti, Tuarua e mau nei kia nohia e ia tetahi whenua i riro mai i te Karauna i raro i nga tikanga o tenei Ture kihai i kapea i mua atu i runga i aua tono, e nga Maori whai take ranei, a me tuku atu i runga i aua tono katoa nga moni e ruatekau ma rima pauna a ka whakahaere aua moni i runga i nga tikanga a muri nei whakaritea ai.

Ki te tukuna atu tetahi pitihana ki te Warena he mea haina e nga tangata kihai hoki iho i te tekau te maha a he mea whakaae e te Minita ka ahei te Kawana i runga i te ingoa me te taha ki te Kuini te tono kia nohia ano tetahi whenua i hiahia ai ia ki te tango hei mahi maina, a mo taua tikanga ka ahei te whakatu i tetahi tangata i pai ai ia hei kaitono mona, a ko auo whakahaere katoa i runga i aua tikanga ka rite tonu ki te tono a tetahi tangata noa nei.

E kore tetahi tono e tangohia mo tetahi whenua e meatia ana hei kaari hei tipuranga aporo hei tipuranga waina hei whenua ahuareka ranei mo tetahi whenua ranei e iti iho ana i te koata eka i roto i tetahi taone paro ranei mo tetahi whenua turanga whare ranei mehemea ranei kei roto mai i te kotahi rau putu o tetahi turanga whare o tetahi turanga whare hanga taonga tetahi hohipera tetahi whare porangi whare karakia whare o te katoa o tetahi urupa, whenua mahi wai ranei ki te kore te whakaae mea tuhituhi a te tangata e whai take ana e tukuatahitia mai me taua tono.