Translation of Report of Middle Island Native Land Purchase Commissioners
Murihiku
Murihiku.
Ki ta maua titiro e araia ana e nga kupu o te tiiti mo Murihiku, te tikanga e whakaaro nei maua e tika ana kia pa ki era atu rahui. I runga i tenei i tukua atu tenei ki te Karauna, i te mea kua hinga noatu te Kamupane, a kahore i hokona ki taua Kamupane.
Kei te kitea ano hoki, i puta ano he kupu mo nga kura me nga hohipera me etahi atu oranga hei whakapatipati i nga kai-hoko kia tukua ai to ratou whenua; a e rua ano hoki nga rahui i whakaaetia, ara i Waimatuku me Piopiotahi, kahore ano nei kia whakatuturutia. Kaore i ata oti ta maua whiriwhiri i nga take o te hoko o tenei poraka, no reira ka tohu kau atu maua ki nga pukapuka whakaatu-me nga tino ripota e rua a Henare Karaka ki te Hekeretari o te Koroni i te 29 me te 30 o Hepetema 1864, me tetahi kupu i tuhia e te Pokiha ki runga ki aua ripota, i te takiwa pea e tu ana ia hei Minita no te taha Maori; me tetahi tino kupu a Te Roretana Hekeretari mo te Tari Maori, o te 14 Tihema 1865. E tukua tahitia atu nei e maua etahi pukapuka ki te Minita mo te taha Maori, hei whakaatu ki a koe e Te Kawana i nga tikanga o te mahi i tukua mai kia maua i raro i te mana o to maua Komihana, i mahia nei e maua nga mea i taea.
E inoi atu ana maua ki a koe e Te Kawana kia ata whakaarohia mai e koe te tikanga i tukua atu ai tenei ahua ripota a maua i runga i ta maua whakamoemiti atu. Kua ata tuhia atu nei i raro i o maua ringa me o maua hiiri i tenei te 31 o nga ra o Hanuere 1881.
Te Neana.
Te Mete.
Nga Komihana.