Nga Mahi a Nga Hui o te Pihopatanga o Akarana, 1912
Nga Motini A Nga Hui
Nga Motini A Nga Hui.
1. Na Rev. M. Kapa raua ko Rev. H. M. Ruarangi:
"I runga i te koa ki te whaikorero a te Pihopa ka motini kia perehitia tahitia ki nga mahi o tenei Hui,"
Whakaaetia ana.
2. Na Rev. M. Kapa raua ko Riapo Puhipi:
"Kia puta he kupu mihi ma tenei Hui mo Rev. Hone. T. Papahia."
Whakaaetia ana.
3. Na Aperahama N. Patuawa raua ko Riapo Puhipi:
"Kia kohia he moni e nga Maori o tenei. Pihopatanga mo tetahi tohu whakamahara-tanga kia Rev. Hone T. Papahia hei Paraihe, otira hei ta te Hui e whakaaro ai he mea tika, me whakaatu kia kohia e ia kāinga e ia kāinga ka tuku ai ki te komiti tiaki kia Rev. M. Kapa, Rev. H. M. Ruarangi, W. M. Kapa."
Whakaaetia ana.
4. Na Rev. M. Kapa raua ko Riapo Puhipi:
"He tono ki tenei Hui kia pāhitia te korero a te Pihopa mo te noho ki Rangihoua a te taima o te Kirihimete o te tau 1914."
Whakaaetia ana.
5. Na Rawiri Te Ruru raua ko Riapo Puhipi:
"Kia whakaurua te matenga o Hirini Katene ki te pukapuka o te Hinota."
Whakaaetia ana.
6. Na Hori Rakete raua ko Rev. H. M. Ruarangi:
"Kia puta he whakamihi ma tenei Hui mo tetahi o nga Kai Karakia o Otaua, ara mo Hone Tarawa kua uru nei ia ki te okiokinga."
Whakaaetia ana.
7. Na Rev. M. Kapa raua ko Rev. H. M. Ruarangi:
"Kia puta he mihi ma tenei Hui mo Te Wirihana Mahita o Tipene raua ko tona hoa wahine mo te aitua kia raua mo ta raua tamaiti."
Whakaaetia ana.
8. Na Rev. W. H. Keretene raua ko Rev. H. Ruarangi:
"Kia whakaputaina atu e te Tumuaki kia C. J. Tunks te mihi me te pouri o tenei Hui mo tona hoa wahine kua tomo nei ki tona okiokinga."
Whakaaetia ana.
9. Na Rev. M. T. Taurere raua ko Matiu Harawira:
"Kia puta he kupu riri, whakatupato hoki ma tenei Hui, kia whakamutua rawatia nga kai-karakia, me nga tamariki rangatira te haurangi me te korero i te reo kino, kei toia e ratou nga tangata ngakau rahirahi i roto i te Hahi ki te kino."
Whakaaetia ana.
10. Na Mete Keepa raua ko Riapo Puhipi:
"Kia puta he kupu whakahau ma tenei Hui kia awhina kaha nga iwi o enei takiwa i nga kura o a tatou tamariki i Tipene me Wikitoria, ki te tuku kumara, paukena, me nga awhina penei e taea e tatou."
Whakaaetia ana.
11. Na W. M. Kapa raua ko Rev. H. A. Hokena:
"Kia tapiritia he tekau pauna i te tau ki te tahua o nga Minita penihana."
Whakaaetia ana.
12. Na Rev. H. N. Paerata raua ko te Tumuaki:
"Kia puta te whakawhetai ma tenei Hui ki nga tangata o te kainga mo ta ratou manaaki i tenei Hui."
Whakaaetia ana.
13. Na Teri Te Heihei raua ko Riapo Puhipi:
"He inoi ki te Tumuaki kia korerotia e ia ki te Notana Kamupene, kia whakamamakia te utu mo nga Reimana ina haere ki nga Hui Topu i Akarana."
Whakaaetia ana.
14. Na Mete Keepa raua ko Rev. M. T. Taurere:
"Kia waiho ma te Komiti o te Hahi e whakatikatika nga tamariki o Raro nei e puta mai ana i nga kura ki te rapu mahi ma ratou i Akarana kia iti ai to ratou hoki iho ki muri nei."
Whakaaetia ana.
15. Na Mete Keepa raua ko Hone Toi:
"Kia puta he whakaaro ma tenei Hui ki tetahi huarahi moni rawaho i roto i nga Pariha hei tukunga mo Rev. R. T. Kerehoma ki tetahi Hohipera wahi ranei e tiakina tikatia ai tona mate."
Whakaaetia ana.
16. Na Rev. H. A. Hokena raua ko Riapo Puhipi:
"Kia puta he kupu whakapai ma tenei Hui mo nga Ropu Wāhine e kaha nei ki te turaki i te waipiro me nga mahi kikino."
Whakaaetia ana.
17. Na H. Tuoro raua ko Rev. M. T. Taurere:
"Kia riro ma te Hui e tohu he tangata hei kaute i nga moni o te Minitatanga, ara nga Kai-tirotiro."
Whakaaetia ana.
18. Na Rev. M. T. Taurere raua ko H. Tuoro:
"Ko nga moni o ia Minitatanga kahore e tika ana te takoto, ma ia Minitatanga e tono ki tetahi o nga Kai-tirotiro kia haere mai ki te whakatikatika i nga pire me nga moni, haunga ia nga Minitatanga e tika ana te takoto o nga pire me nga moni, ma te Hui Topu ano ia e titiro te tika, 1913."
Whakaaetia ana.
19. Na Etana Heka raua ko Hori Rakete:
"Kia whakatakotoria he rehiiti ki nga Reimana katoa e whakatakoto ana i a ratou moni ki te aroaro o te Hui."
Whakaaetia ana.
20. Na Hapeta M. Te Puku raua ko Riapo Puhipi:
"He inoi tenei ki te Pihopa ki a whakahokia mai ano a Rev. M. T. T. Taurere, ki tana rohe tawhito tuku Hakarameta ai, i runga ano i te nui o nga raruraru o Rev. R. Kerehoma, i kore ai e taea e ia te haere i o matou takiwa."
Whakaaetia ana.
21. Na Rev. R. Ngatote raua ko R. Poharama:
"Me puta he whakawhetai ma tenei Hui mo te taenga mai o te Pihopa ki te whakapuaretanga a tenei whare karakia me te Hinota."
Whakaaetia ana.
22. Na Rev. M. Kapa raua ko Riapo Puhipi:
"Kia tuhia ki te pukapuka o tenei Hui nga ruri mo nga tu a nga mema i nga Hui ki a pera me te Hinota Pakeha."
Whakaaetia ana.
23. He patai na R. Poharama:
"Me pehea he ingoa mo nga moni o te whare karakia o Rangiawhia i te mea e takoto he ana?"
Te Whakahoki:
"Me tango i te moni toenga."
page 1324. He patai na Rev. Reihana Ngatote:
"Kia hia nga tau o te tamaiti ka tika ai kia whakaukia e te Pihopa?
Te Whakahoki:
"Timata ake i te tekau ma rua ki te tekau ma wha tau, engari kei te Minita o ia Pariha te tikanga."
25. He patai na Matiu Harawira:
"E taea ranei he Minita noho tuturu ki Whakapara i Whangarei?"
Te Whakahoki:
"Kahore e taea inaianei."