Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi a Nga Hui o te Pihopatanga o Akarana, 1911

Nga Motini i te Hui i tu ki te Kaha

page 10

Nga Motini i te Hui i tu ki te Kaha.

1. Na Rev. H. M. Ruarangi raua ko Rev. W. Keretene:

"Kia puta he whakapai ma tenei Hui ki te whaikorero a tea Tumuaki, a, e tino ana kia perehitia ki ŋa mahi a te Hui."

Whakaaetia ana.

2. Na Reihana Poharama raua ko Riapo Puhipi:

"Me tu te Hinota ki Peria a tenei tau e haere mai nei."

Whakaaetia ana.

3. Na T. Maka raua ko Rev. H A. Hokena:

"Kia puta he kupu turaki i te waipiro i tenei hui."

Whakaaetia ana.

4. Na T. Maka raua ko Rev. W. Keretene:

"Kia whhakatuturutia te ahua mo te raihana o te kai-karakia."

Whakaaetia ana.

5. Na Eru Ihaka raua ko W. M. Kapa:

"E tono ana kia puta he whakahau me tenei Hui kia kohi moni ŋa pariha katoa i roto i te atirikonataŋa o te Waimate i ŋa Ra Tapu katoa."

Whakaaetia ana.

6. Na Mete Keepa raua ko Eru Ihaka:

"Kia whakamutua e ŋa Minita te tuku i ŋa hakarameta i waho o ŋa whare-karakia hauŋa ia i etahi kaiŋa tuturu whare-karakia kore."

Whakaaetia ana.

page 11

7. Na Hone Toi raua ko Rev. W. Keretene:

"He inoi ki te Tumuaki kia tukua mai a Rev. M. T. Taurere ki te takiwa o Paihia hei whakaohooho."

Te Whakahoki:

"Ma te Pihopa e whakaaro."

8. Na Rev. M. T. Taurere raua ko Rev. H. A. Hokena:

"Kia whakaurua ŋa moni o te hinotamana ki te pukapuka hinota."

Whakaaetia ana.

9. Na Rev. Matiu Kapa raua ko Rev. W. Keretene:

"E whakamihi ana tenei Hui ki te Pihopa o Akarana mona i tuatahi i tana mahi ki ŋa Maori o tona pihopataŋa."

Whakaaetia ana.

10. Na Rev. H. A. Hokena raua ko te Pihopa:

"Kia puta te whakawhetai ma tenei Hui ki ŋa taŋata o te kaiŋa mo ta ratou manaaki ki tenei Hui."

Whakaaetia ana.