Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of meetings on Māori church matters, 1873, 1895, 1897, 1898, 1899, 1900, 1902, 1909.

Nga Motini i Te Hui i Tu Ki Waimamaku

page 6

Nga Motini i Te Hui i Tu Ki Waimamaku.

1.

Na Rev. M. Kapa raua ko Rev. R. Ngatote:

"E whakapai ana tenei hui ki te whaikorero a te upoko o te hui, a e tono ana kia perehitia."

Whakaaetia ana.

2.

Rev. Wiki te Paa:

"Kua whakarerea ketia ranei te ahua mo ŋa kohi tahua oraŋa minita?"

whakahoki: Kahore ano i whakarerea ketia te whakariteŋa a te Komiti i Peria i te tau 1904, i wehewehea ai te wahi ma ia kaiŋa ma ia kaiŋa.

3.

Rev. W. Keretene:

"He mea tika ranei kia marena ŋa minita i te Ra Tapu?"

whakahoki: Kahore he ture e arai ana i taua mea, eŋari kei te minita te tikaŋa i te nui aua mahi i taua ra.

4.

Na Rev. M. Taurere raua ko Rev. W. Kerelene:

"Ko Rev. Hemi Make Wiremu me whakanoho ki te Waimate."

Parea ana, ma te Pihopa te tikaŋa mo tenei.

5.

Na te Rev. M. Taurere raua ko Enoka te Rore:

"Kia tohuŋia he kohi tahua ma ia kaiŋa ma ia kaiŋa."

Parea ana, ma tetahi komiti e whiriwhiri. Ko te komiti i whakaritea ko Revs. H. Papahia, M. Kapa, W. te Paa, W. Keretene. Ko te whakahoki a te komiti koia tenei:—Kaua tetahi kaiŋa e ŋakaukore ki te whakarite i te moni tahua i whakataua e te komiti i Peria i te tau page 71904, i tohuŋia ai te moni ma ia kaiŋa. Me kaha ŋa pariha ki te rapu huarahi e mama ai te taiataŋa, o tenei mahi.

Whakaaetia ana.

6.

Na W. Nepia raua ko Pura Hori:

"He tono ki tenei hui kia puta he kupu whakamihi mo Rev. M. Taurere me te iwi katoa o Waimamaku mo te manaaki nui i ŋa mema o tenei hui."

Whakaaetia ana.

7.

Na Rev. M. Taurere raua ko Rev. H. Hokena:

"Kia puta he kupu mihi ma tenei hui mo Rev. Tiopira mo te aitua i pa nei ki a ia."

Whakaaetia ana.

8.

Na Rev. H. Papahia raua ko Rev. M. Taurere:

"Kia whakaurua te mihi a te komiti wahine, tane, o Waimamaku ki ŋa mema o tenei hui."

Whakaaetia ana.

Koia nei te mihi:—Te Pihopa o Akarana, ŋa minita, ŋa reimana, ŋa iwi i eke mai ki tenei marae, tena koutou. He nui te koa mo te mihi a te Pihopa i tae mai nei mo tenei hui, ahakoa i ŋaro atu ia, e koa ana matou mo koutou katoa i hui mai nei. No reira enei kupu, kia ora te Pihopa, ŋa minita, ŋa reimana, te iwi katoa i roto i te Ariki.

9.

M. Kapa:

"E rua ŋa hui e perehitia nei, keihea te moni o te perehitaŋa o tetahi?"

whakahoki: Kia awhina tatou i a ratou.