.jpg)
Reports of meetings on Māori church matters, 1873, 1895, 1897, 1898, 1899, 1900, 1902, 1909.
Nga Motini
Nga Motini.
| 1. | Na Rev. Nikora Tautau raua ko Riapo Puhipi:— |
E whakapai ana te Hui ki te Tumuaki mo ana whaikorero, a e tono ana kia whakaae mai ia kia perehitia ki nga mahi a te Hui.
Whakaaetia ana.
| 2. | Na Waaka te Huia raua ko Rev. Hare Maihi:— |
Kia puta rawa i tenei Hinota he mihi aroha mo Atirikona Karaka ratou ko Meinata te Haara, ko Hemi Taitimu.
Whakaaetia ana.
| 3. | Na Pereiha Tauhara raua ko Rawiri te Ruru:— |
Mo nga toenga o nga ohaohatanga o te Pihopatanga o Akarana timata mai i te tau 1900 ahu ake nei me tuku katoa mo te Wero a te Wiremu.
Whakaaetia ana.
| 4. | Na Hare te Rangi raua ko Rev. Nikora Tautau:— |
Kia whakanekia ake te oranga minita i tenei tau.
Whakaaetia ana.
| 5. | Na Hare te Rangi raua ko Rawiri te Ruru:— |
Kia whakaurua tetahi Maori, etahi Maori ranei, ki roto i te Komiti tiaki oranga o te Hahi Maori.
Whakaaetia ana.
| 6. | Na Rev. Reihana Ngatote raua ko Rev. H. Matete:— |
Kia haere tonu te Kura Minita mo te reo maori ki Te Raukahikatea.
Whakaaetia ana.
| 7. | Na Pereiha Tauhara, he patai:— |
Ko wai ma nga kaitiaki o te wahi Tapu o Peria.
Whakahoki:—
Ko te Komiti o te Hahi Maori. (New Zealand Mission Trust Board.)
| 8. | Na Rev. Matiu Kapa:— |
He tono ki te Hui kia nekehia mai te kainga nohoanga minita ki Te Kao, maku e wehe he eka mo taua wahi.
Waiho ana ma te Pihopa e whakaoti.
| 9. | Na Rev. Matiu Kapa raua ko Rev. H. Matete:— |
He whakapai mo Te Mete raua ko tana hoa wahine mo to raua tiaki i nga tangata o tenei hui.
Whakaaetia ana.
| 10. | Na Rev. H. Manihera raua ko Rev. T. Kiriwi:—
|
Whakaaetia ana.
| 11. | Na Waaka te Huia raua ko Rev. Nikora Tautau:— |
Kia tino akona nuitia e nga minita ki nga tangata o a ratou pariha te Karakia Iriiri Tamariki i roto i nga whare.
Whakaaetia ana.
| 12. | Na Waaka te Huia raua ko Rev. Hare Maihi:— |
Kia puta he kupu mihi kia Hapeta W. Wiremu mo tona paanga e te mate, i runga i te mahuetanga o tana mahi nui i roto i te whare wananga a te Ariki.
Whakaaetia ana.
| 13. | Na Haora Whareumu, he patai:— |
E ahei ranei kia nehua e tatou nga tupapaku i iriiria e te Hahi o Roma?
Whakahoki:—
E ahei ana.
| 14. | Na Hohepa Mataitaua raua ko Nikorima Poutotara:— |
He tono kia whakaaetia e tenei Hinota ko te Pihopa ratou ko W. Hoete ko Erana te Onerere hei kaitiaki mo nga eka e wha i tu ai te wharekarakia o Whitianga.
Whakaaetia ana.
| 15. | Na Hohepa Mataitaua raua ko Rev. H. Matete:— |
Ma te Komiti tiaki moni o te Hahi e utu te ruritanga o te wahanga i roto i te Poraka nui.
Whakaaetia ana.
| 16. | Na Timi Maka raua ko Matini Naera:— |
Kia whakaarohia e tenei hui he tangata hei kauwhau haere i te wero a te Wiremu me te Kura kotiro i te takiwa whakararo o Akarana.
Whakaaetia ana.
| 17. | Na Kihirini Reweti raua ko Riapo Puhipi:— |
Me aroha te Komiti Tiaki o nga whenua i tukua e te Maori mo te Hahi i nga ra o mua ki etahi o nga moni o nga reti hei whakanui i te tahua whangai minita maori.
Whakaaetia ana.
| 18. | Na Rev. Matiu Kapa, he patai:— |
Ki hea tenei ake hui topu a muri ake nei?
Whakahoki:—
Ki Akarana.
| 19. | Na Rev. Matiu Kapa, he patai:— |
Ka whakaaetia te Hui nei kia wha tau ka noho ai tenei hui?
Whakahoki:—
Me waiho kia toru.
| 20. | Na Pereiha Tauhara, he patai:— |
Ko wai ma nga kaitiaki o te wahi tapu o Peria?
Whakahoki:—
Ko te Komiti o te Hahi Maori.
| 21. | Na Paora Reweti, he patai:— |
E pehea ana te wharekarakia mo Orakei?
Whakahoki:—
Waiho kia taria taku kupu ki tetahi Komiti i Ingarangi; otira, kohia te wahi e rite ana ma koutou.
| 22. | Na Rev. Matiu Kapa raua ko Poata Uruamo:— |
Kia kotahi ture mo nga Pakeha me nga maori i runga i te ture marena.
Whakaaetia ana.
| 23. | Na Rev. Matiu Kapa; he tono ki te tumuaki:— |
Kia nekehia mai te noho o te minita ki Te Kao, maku e hoatu he eka mo taua wahi.
Whakahoki:—
Taihoa, kia kite ahau i te Atirikona o Te Waimate.