▼ About this page

Title: Reports of meetings on Māori church matters, 1873, 1895, 1897, 1898, 1899, 1900, 1902, 1909

Author: Diocese of Auckland

Publication details: William Atkin, 1873, Auckland

Part of: He reo nō ngā rōpū whakahaere tikanga / The language of Māori governing bodies.

Conditions of use

Share:

Other formats

Adobe Portable Document Format file (facsimile images)

TEI XML file

ePub eBook file

Connect

Reports of meetings on Māori church matters, 1873, 1895, 1897, 1898, 1899, 1900, 1902, 1909.

Nga Motini

Nga Motini.

1.	Na Rev. M. Kapa raua ko Eru Pou:— E whakapai ana te Hui ki te Tumuaki mo tana whai-korero, a e tono ana kia whakaae mai ia kia perehitia ki nga Mahi a te Hui. Whakaaetia ana.
2.	Whakaritea ana ko Rev. M. Kapa raua ko Eruera Riwhi hei kai-tuhituhi mo te Hui.
3.	Na Rev. M. Kapa raua ko Rev. Wiki te Paa:— E hari ana tenei Hui i te mea kua whakaritea a Rev. H. A. Hoken hei hoa mo te Atirikona hei tirotiro i nga tangata o tenei Takiwa; a, he whakauru tenei i a ia ki te Hui. Whakaaetia ana.
4.	Na Ruka te Huru raua ko Tipene Taurere:— Kia homai he kupu marama mo nga moni o Waiparera mo nga tau e ono i muri i te matenga o Piripi Patiki. Whakaaetia ana.
5.	Na Pereiha Tauhara raua ko Rev. Tiopira Paerata:— Me whakauru nga moni whangai minita o Peria, o Oruru ki nga Mahi a te Hui. Whakaaetia ana.
6.	Na Reupene Tuoro ra[unclear: u]a ko Tipene [unclear: Taurerei]:— Me hoatu nga hua o te moni o Waimamaku hei whakanui i taua tahua. Whakaaetia ana.
7.	Na Reupene Tuoro raua ko Rev. W. te Paa:— Ki te perehitia houtia nga Himene me whakauru nga nooti. Whakaaetia ana.
8.	Na Reweti Kerehoma, he patai:— He tikanga ranei kua takoto i te Hui kia tono utu te minita mo nga tamariki ina iriiria? Whakahoki:— Kahore.
9.	Na Rev. T. Kiriwi raua ko Reupene Tuoro:— Kia tino whakaritea e tenei Hui kia whakahaerea nga Kura Ratapu tamariki i roto i nga Pariha katoa. Whakaaetia ana. page 7
10.	Na Rev. T. Kiriwi raua ko Rev. H. K. Taitimu:— Me kohi ia pariha, ia pariha i te 5 hereni hei moni kawe i to tatou Hinotamana ki te Hinota o te Pihopatanga o Akarana. Whakaaetia ana.
11.	Na Rev. T. Kiriwi raua ko Paraone Whakaruru:— Me tu tonu ano te Hui ia tau ia tau, engari me whakamotuhake tetahi ra o aua Hui mo te taha minita anake hei mahi i te taha mo te wairua. Whakaaetia ana.
12.	Na Rev. T. Kiriwi raua ko Rev. M. Kapa:— Ko nga ohaohatanga o te Ra o te Petekoha hei awhina i te wero a Atirikona Wiremu. Whakaaetia ana.
13.	Na Rawiri te Ruru raua ko Pereiha Tauhara:— Ki te ngaro atu te Hahiwatena ma nga kai-karakia e tiaki nga mea o te whare. Whakaaetia ana.
14.	Na Rev. R. Ngatote raua ko Reweti Kerehoma:— Me whakarite tenei hapu, tenei hapu o te Atirikonatanga i tetahi tangata, ehara nei i te minita, hei kohi ra waho i te moni mo te wero o Atirikona Wiremu. Whakaaetia ana.
15.	Na Rev. R. Ngatote raua ko Rev. T. Kiriwi:— E whakapai ana tenei Hui ki a Rev. M. Kapa me ona iwi mo ta ratou whakamanuhiritanga i nga mema o te Hui. Whakaaetia ana.
16	Na Rev. M. Kapa raua ko Wiremu Kairau:— Me whakaaro nga kaumatua ki tetahi minita mo Mangakahia, hei tetahi o nga tangata o te Kareti i Turanga. Whakaaetia ana.
17.	Na Pereiha Tauhara raua ko Rawiri te Ruru:— Kia takoto nga tahua whangai minita o nga Pariha katoa o tenei Atirikonatanga ki nga mahi a te Hui. Whakaaetia ana.
18.	Na Rev. M. Kapa raua ko Rev. R. Ngatote:— Kia tupato nga mema Hui ki te whakaae i nga mea o nga Hui; engari kia mohio iho tera e whakaotia aua whakaaetanga. Whakaaetia ana. page 8
19.	Na Rev. M. Kapa, he patai:— E pehea ana te whakaaro o te Hui mo te moni e puritia nei e au, ara, nga moni o te Tahua o te Hahi Maori o tenei Atirikonatanga? Whakahoki a te Hui:— Waiho kia takoto ki te peeke.
20.	Na Rev. W. te Paa raua ko Rev. Tiopira Paerata:— Me pare te Hui Topu mo te tau 1902; taihoa e whakarite i te waahi e hui ai. Whakaaetia ana.
21.	Na Rev. H. T. Papahia raua ko Henare Pukeroa:— Ki Whangape te Hui o te Hahi o tenei Atirikonatanga a te tau 1901, hei a Maehe. Whakaaetia ana.