Reports of meetings on Māori church matters, 1873, 1895, 1897, 1898, 1899, 1900, 1902, 1909.
Te Mihi Ki A Mata Herewini
Te Mihi Ki A Mata Herewini.
Ko matou ko nga Mema o te Hui Topu o te Hahi Maori o te Pihopatanga o o Akarana, e mine nei ki Hauraki, i a Maehe 23, 1898, ka tuku atu nei i to matou mihi ki a mata Herewini, mo te matenga o tana tama, o Hone Riharihona Herewini Pihopa o Meranihia, ratou tahi ko tana pouaru me ana tamariki. Kua tomo ia ki tana okiokinga, a, kei te aru ana mahi i a ia. Kei te mau tonu te mahara o nga Maori ki a Pihopa Herewini kaumatua, me te uaua o tana mahi i te Hahi, i waenganui i nga Pakeha me nga Maori, tae atu ki nga iwi o nga motu; a, takahi atu ana ta korua tamaiti i nga tapuae o tona papa. E mahara ana hoki matou i whanau ia ki te Waimate, me tana whakahua tonu, ko Ngapuhi tona iwi.
Aue! Taukiri e!! Te hinganga o Hone Herewini, ano he hinganga no te Rata whakamarumaru; ngaueue ana te Hahi.
Heoi ra, e inoi ana matou kia whai marietanga koutou i roto i a Karaiti Ihu, i to tatou Ariki.