Whakarapopototanga O Te Whai-Korero A Te Paraimete.

Ko nga mihi mo Pihopa Hone Riharihona Herewini ratou ko Revs. Rapata Para, raua ko Wiremu Turipona, ara nga tangata whai-ingoa o te Hahi i mate i muri mai o te Hui Topu i te tau 1895.

Ko nga korero o te Hui Pihopa i Ingarangi. Ko nga mema o taua Hui ko nga Pihopa katoa e whakaae ana ki nga tikanga o to tatou Hahi. Ka whakaatu hoki ia i nga mahi o te Hinota Nui o tenei Porowini i mine ki Christchurch ia Pepuere. I oti he tikanga i taua Hinota e uru ai nga Mangai Reimana Maori ki nga Hinota Pihopatanga. Ka puta hoki tana tangi mo te Iwi Maori ka ngaro nei i to ratou motu. Ko te take i hohoro ai te ngaro he kore no nga Maori e ata tiaki i o ratou tinana. I tino whakahe ia i nga tikanga kiao noa iho a nga Maori, te kino o nga whare, te moe huihui, te noho i roto i nga kakahu maaku, me era atu mea kino e patu nei i te tangata. Muri iho ka korero ia i te taha mo nga minita maori, ara to ratou rawakoretanga i te iti o nga hua o nga tahua. Ahakoa ka rite mai he tangata i te Kareti i Turanga a ka kiia kia whakaminitatia, tera pea ia e kore e whakaae i te kore oranga mona ina tu ia hei minita. Ma koutou ma te Hahi Maori e rapu mai he tikanga hei whakaranea i te oranga mo o koutou minita. Kaati ta koutou titiro mai ki te taha Pakeha, inahoki he mahi ano ta ratou he whangai i o ratou ake minita. Kua whaihiahia nga maori kia whakaturia he Kura kotiro, ki te takiwa o Akarana. Kua whiwhi hoki nga tamariki taane i te Kura i Tipene, a he mea tika kia whai Kura ano ano nga wahine. He aha te pai kia kurangia ko nga taane anake a page 6kia kura kore nga taitamahine? Ko nga wahine nga kai-whakatuputupu i nga tamariki, a ki te he nga tikanga whangai, whakakakahu, whakaako, e kore rawa e neke ake te iwi, engari ka piri tonu ki nga tikanga kuare a nga tupuna. Kua timata nga hoa Pakeha ki te kohikohi mo taua kura, waihoki me puta to koutou uaua kia uru tahi ai tatou ki te whakatu i te mea e tupu rangatira ai, e tupu tika ake ai, nga uri e haere ake nei. Kahore he hiahia o te Pakeha kia ngaro te maori, kia tutua ranei, engari kia uru tahi koutou ki a matou mahi pai katoa, na reira i tono atu ai kia koutou katoa kia kaua e mangere ki te whakatu i taua kura.