page break

He Tuhituhinga
I Nga Mahi a te Hui.

I mine Te Hui o te Hahi Maori o te Atirikonatanga o te Waimate ki te Wharekarakia i Te Pupuke, Whangaroa, i te Taite me te Paraire, Maehe 18, 19, 1897. I te 10 o te karaka te karakia whakapuare i te Hui. Te hunga i te karakia, e 80; nga tangata i tango i te Hapa Tapu, e 42. Ko te ohaoha, £2 7s. 5½d. i tukua mo te perehitanga i nga mahi a te Hui. Muri tata iho ka noho te Hui, a ka oti te karangaranga nga mema e te tumuaki, ka kiia e ia he Hui e rite ana ki ta te ture i whakatakoto ai. Ano ka mutu te inoi ka whaikorero te Atirikona.