Reports of meetings on Māori church matters, 1873, 1895, 1897, 1898, 1899, 1900, 1902, 1909.
[mōtini]
He patai, Rev. W. H. Matete—Kei te pehea nga kakahu mo nga Kaikarakia i whakaetea e nga Hui o mua ake nei?—Whakahoki—Kei a ratou ano te tikanga mo ana kakahu.
He patai, Rev. Reihana Ngatote—E ahei ranei nga minita Maori te nehu i nga tupapaku pakeha me reo Maori te karakia? Whakahoki—Ae; erangi kia puta mai te tiwhikete whakaaetanga a te Kawanatanga.
Whakaaria e Nikorima Poutotara, tautokona e Ranapia Mokena—He tono ki nga kaumatua ma ratou e whakahou te whare o te minita o Hauraki.
Whakaaria e Ekana Wharakura, tautokona e Rev. W. H. Matete—E tono ana tenei Hui ki nga Kaitiaki whenua o te Hahi kia whakahokia a Hopuhopu ki nga Maori.
Whakaaetia ana.