The Ancient History of the Maori, His Mythology and Traditions. Awatea, Taranaki, Nga-Ti-Hau, Nga-Ti-Rua-Nui [Vol. VIII, Māori]
Upoko 19
Upoko 19
Kaore te aroha, mohukihuki noa (aua),
Te paanga mai kei (ki) ahau,
Me he ahi e toro,
Kei Hukanui e Moka,
Tenei ka tata mai.
Kei tohu mai e Kiri,
Kei te au ko te moe,
Kei te mata tu tonu,
I te roa o te po (rangi)
Kai toro puku ai
Te aroha i au (i a hau).
E kore ra e puakina,
Kei rangona e te tini,
Te putanga ki waho ra,
Ka tohu aku mata,
Nga parae ka (e) takoto,
Ki Tau-whare ra ia,
Ko te ara tonu ia
I whanatu ai au (koe)
Kia uru tomokia,
Te whare o Rawhirawhi.
Kei riri e whae (e koro)
He nui panahaere,
Mau ano te tinana,
Maku te atu.
O te tapara kau atu, e, e, e.
Nga Tangata Tuatahi Ki Tau-Po
(Nga-Ti-Hau)
E kiia ana e nga korero a nga koeke, ko te ope tua tahi i haere atu i Whanga-nui nei ki Tau-po, i mate i te ngaunga a te huka, me te hia kai.
Ko Taka
(Nga-Ti-Hau)
I haere atu a Taka i Tau-po ki te patu manu, ara i te kiwi, weka, kakapo, i Muri-motu ki te whenua nui te manu, a ka tae te ope ra ki Rangi-po (dark day) ka puta te awha me te huka, a ka katia ratou e te huka ka noho noa iho ratou i roto i te huka, a ka hiakai te ope nei a he kore kai i kainga ai a ratou kuri, ka pau era ka kainga ko nga ropa, ka pau era ka kai ratou i a ratou ano, ara ka hoatu te tamaiti a enei, ma era e kai, a ka homai te tamaiti a era ma enei e kai, a he mea kahore kau he wahie tahuna ai aua kai nei ki a ratou tao me nga patu maori hei wahie, a te tukunga iho o te ope nui i mate i te kai kore, kaore he morehu i puta.
Taka
(Nga-Ti-Hau)
Ko Taka te tangata aia no Nga-ti-au/Nga-ti-hau i haere atu aia i Whanga-nui ki Muri-motu noho ai a i mate ratou ko ana ope i te huka i te ara i Rangi-po, i te koiwi ki Tonga-riro. He haere ta Taka ki te wero manu a na te huka ratou arai, a e rua marama o ratou i noho ai i roto i te huka, ara ka pau a ratou kai, ara nga hiraka uru ana i maua hei tiri ki Tau-po, i pau enei te kai, a ka kai i te hinu kawa konatu ai ki te uku, a ka kainga ko a ratou ropa, ka kainga ko a ratou tamariki, me nga wahine, a ka kai ano ratou i a ratou ano, a kihai te mea kotahi i ora a kotahi rau ma wha i mate, a ko nga koiwi o taua hunga kei te ara i Rangi-po i enei ra.
(179A Maori to follow this)
Taka
(Nga-Ti-Tu-Whare-Toa)
Kotahi rangatira o Nga-ti-au/Nga-ti-hau i haere ratou ko ana ope ki Muri-motu, a haere tonu atu aia i Rangi-po, a ka noho ratou i reira a pahure mea nga marama e rua, he mea hoki i roa ai ratou ki reira i araia ratou e te huka, a ka pau nga kai a te ope nei, ka hue ratou i te hinu kawa, he mea konatu ki te uku, a ka pau taua hinu kawa, ka kiia e Taka kia kainga nga ropa, a ka pau enei ka patua ko nga tamariki o te ope nei ka kainga, a ka pau enei, ka patua ko nga wahine, ka pau enei, ka kai ratou i a ratou ano a pau noa e iwi nei, he nui taua huka i eke ki te toitoi o nga rakau o te ngahere, kotahi rau ma wha i mate i taua mate, a e ………. ana ano nga koiwi o ratou i te ara i Rangi-po i Tau-po.
(184 to follow this)
Taka
(Nga-Ti-Tu-Whare-Toa)
Ko Taka Nga-ti-au ratou ko tana ope te hapu i haere matati ki te noho i te whenua i Tau-po ara i te wahi i Muri-motu, a na te huka ratou i page (181)mate ai, he rangatira aia no te hapu o Nga-ti-hau, i haere aia ki Muri-motu a tae atu ana ki Rangi-po, a e rua marama o ratou i noho ai i reira i te mea i araia ratou e te huka ano ka pau a ratou kai ka kai ratou i te hinu kawa he mea whakaranu ki te paru uku, ka pau tenei ka kainga e ratou a ratou pononga, ka pau era ka kainga ko nga tamariki ka pau era ka kainga ko nga wahine, a te mutunga ka kai ratou ia ratou ano, a 140 o ratou i mate kahore he morehu i puta, kei te ara ki Rangi-po ahu atu ki Tau-po nga iwi o taua hapu e pukei ana.