Te Korero A Te Komiti Tuuturu O Te Hinota O Te Pihopatanga O Waiapu Mo
Te Takiwa O Te 7 O Nga Ra O Maehe, 1864, Tae Noa Ki Te 3 O Hanuere,1865.

I takoto te kupu a te Hinota ki te Komiti Tuuturu i te whakaminenga i a Maehe, 1864, "Kia tirotirohia e te Komiti Tuuturu te tikanga o nga kupu a te Hinota Nui o te tau 1862, mo te oranga mo te Minita ina rokohanga e te mate nui e kore ai ia e ahei te hoki ki tana mahi, mo te Pouaru hoki o te Minita, mo ana Tamariki pani; kia rapua hoki e te Komiti Tuuturu he tikanga mo tetahi Tahua mo tena mea; kia korerotia hoki ki te Hinota i te whakaminenga e takoto ake nei."

Kua tirotirohia e te Komiti Tuuturu te tikanga o aua kupu a te Hinota Nui, a he ki atu tenei na taua Komiti kia whakatakotoria e te Hinota he tikanga mo tetahi Tahua hei whangai mo nga Minita Turoro, hei whangai hoki mo nga Pouaru, mo nga Tamariki Pani a nga Minita i runga i nga kupu a te Hinota Nui; Kia whakaritea hoki ko te Komiti Tuuturu o te Hinota o tenei Pihopatanga hei Poati hei tirotiro i taua Tahua; kia hoatu hoki he kohikohi mo nga Minita maori ki te tino Poati a te Hinota Nui i roto i etahi o nga moni whangai Minita o tenei Pihopatanga kahore nei i whakapumautia ki runga ki tetahi Pariha.

Tenei te piri nei te pukapuka whakaatu i te ahua o nga Tahua whangai Minita, i nga moni hoki kua riro mai, kua riro atu i runga o aua Tahua, taea noatia tenei wa.

Tenei ano hoki te korero mo nga moni kua riro mai i runga i te ki a te Hinota hei utu mo te Perehitanga i nga korero o nga mahi a te Hinota.