Hatarei, Maehe 5, 1864.

Timataia ana e te Pihopa ki te Inoi.

Panuitia ana whakapumautia ana nga Korero o tera Huihuinga.

Kiia ana e te Hinota kia hokia te korero i whakatarewatia i te Parairei, ara te korero i runga i te kupu i whakaaria e Rapata Wahawaha.

Makaa ana ki te tuatahi ko te kupu a Rapata Wahawaha, whakaaetia ana.

Muri ihe ka makaa ko te kupu whakatika mo te tapiri a Rev. E. B. Clarke, i whakaaria ra e Patara Wahaaruhe,

Whakaaetia ana.

I whakaaria e Rev. E. B. Clarke, i tautokona e Hori Mokoera;

"Kia panuitia te Ture mo te whakatu i tetahi Komiti Tuuturu mo te Hinota o tenei Pihopatanga, ko te toru o nga panuitanga, kia whakatakotoria hoki."

Whakaaetia ana, kua takoto hoki taua Ture.

I whakaaria e Archdeacon W. L. Williams, i tautokona e Hone Pirihi te Rangi;

"Kia puta te Ki ki nga Pariha katoa o tenei Pihopatanga, kia homai nga hereni 15 e ia Pariha e ia Pariha i roto i tenei tau, mo te perehitanga i nga mahi a te Hinota. Me hoatu aua moni e nga tangata o te Pariha ki te Minita, a mana e homai ki te Komiti Tuuturu o te Hinota."

I whakaaria e Renata Atopaki, i tautokona e Rapata Wahawaha hei kupu whakatika;

"Kia whakapumautia ki runga i nga Moni Marena he utu mo te perehitanga o nga mahi a te Hinota."

Makaa ana te kupu whakatika, whakakahoretia ana.

Muri iho ka makaa ko te kupu i whakaaria i te tuatahi; ka whakaaetia.

I whakaaria e Hori Ngangaro, i tautokona e Karauria te Iwirori;

page 15

"He maha nei nga Pariha kahore i kitea nga ingoa i roto i te pukapuka a te Komiti Tuuturu, mo nga moni whangai Minita; kia takoto te kupu ki nga Pariha katoa e tomuri ana ki tenei mahi, kia hohoro te whakarite i te Tahua i karangatia hei whangai Minita mo ia Pariha, mo ia Pariha."

Whakaaetia ana.

Nukuhia ana te Hinota ki te Manei ki te 7 o nga ra e Maehe, 1864.