Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi A Te Hinota Tuatoru O Te Pihopatanga O Waiapu, I Whakaminea Ki Waerengaahika, Turanga. 2 Maehe, 1864.

Parairei, Maehe 4. 1864

Parairei, Maehe 4. 1864.

Timataia ana e te Pihopa ki te Inoi.

Muri iho ka panuitia ka whakapumautia nga korero o tera huihuinga.

I mauria ake i panuitia e Rev. E. B. Clarke, te korero a te Komiti i whiriwhiria, hei uiui i te "Ture hei whakatu i tetahi Komiti Tuuturu mo te Hinota o te Pihopatanga o Waiapu."

I mauria ake i panuitia e Rapata Wahawaha te korero a te Komiti i whiriwhiria, hei uiui i te ahua o nga mahi a nga tangata o ia Pariha, o ia Pariha, i nga mahi maori a o ratou minita, kei te whakaritea ranei te ono o nga Tuuturu a te Hinota tuarua, kahore ranei.

I mauria ake i panuitia e Archdeacon W. L. Williams, te korero a te Komiti i whiriwhiria, hei rapu i tetahi tikanga mo te utu o te perehitanga i nga mahi a te Hinota.

I whakaaria e Rev. R. Waitoa, i tautokona e Karauria Te Iwirori;

"Kia whakaturia a Archdeacon W. L. Williams, a Rev. E. B. Clarke, a Anaru Matete, hei kai whakahua Minita ma te Hinota."

I whakaaria e Rev. T. Huata, hei kupu whakatika, i tautokona e Renata Atopaki;

"Kia whakaturia a Archdeacon W. L. Williams, a Rev. E. B. Clarke, a Wiremu Pere hei kai whakahua Minita ma te Hinota."

Whakaaetia ana.

page 13

I mauria ake i panuita e te Pihopa te korero o nga mahi a te Komiti Tuuturu i te tau ka pahure ake nei.

I whakaaria e Archdeacon W. L. Williams, i tautokona e Rev. T. Huata;

"Kia whakaaetia te korero o nga mahi a te Komiti Tuuturu."

Whakaaetia ana.

I whakaaria e Rev. E. B. Clarke, i tautokona e Archdeacon W. L. Williams;

"Kia whakatarewatia nga tikanga mo te mahi, kia Komititi a ai te Ture mo te whakatu i tetahi Komiti Tuuturu mo te Hinota o teuei Pihopatanga."

Whakaaetia ana.

Komiti ana te Hinota.

I whakaaria e Rev. R. Waitoa, i tautokona e Hone Pirihi te Rangi;

"Kia whakanohoia tenei kupu hei 3 mo nga rarangi; "Ko nga tangata i whiriwhiria e te Hinota kia tu tonu hei tangata mo taua Komiti, a, kia oti ra ano te whiriwhiri e te Hinota he tangata hei whakakapi mo ratou;" Kia whakatikaia hoki nga whika o era atu rarangi."

Whakaaetia ana.

Whakahokia ana ko te Hinota.

I whakaaria e Rev. E. B. Clarke, i tautokona e Rev. R. Kawhia;

"Kia whakaaetia te mahinga a te Komiti o te Hinota katoa."

Whakaaetia ana.

Ka oti te whakatarewa nga "tikanga mo te mahi," ka whakaaria e Rapata Wahawaha te Tuuturu i kiia iho e te Komiti i whiriwhiria, hei uiui i te ahua o te mahi a nga tangata o ia Pariha, o ia Pariha i nga mahi maori a o ratou Minita; i tautokona e Patara Wahaaruhe;

"Kia tohea ano ki nga tangata o ia wahi o ia wahi, te tikanga o tenei mea, kia puta te atawhai a nga tangata katoa ki o ratou Minita; ina hoki he mahi ta te Minita ki runga ki nga tangata, kia mahi hoki nga tangata i ta te Minita."

He kupu tapiri i whakaaria e Rev. E. B. Clarke, i tautokona e Hone Pirihi Te Rangi;

"He ki hoki tenei na te Hinota i te mea kahore ano he Hahiwatena hei akiaki i nga tangata ki te mahi i tenei mahi, ma nga Hinotamana e akiaki."

He kupu i whakaaria e Patara Wahaaruhe, i tautokona e Epiniha Waikaaho hei whakatika i te kupu tapiri;

page 14

"I te mea kahore he Hahiwatena hei akiaki i tenei mahi ma te Hinotamana e whakatakoto ki te Runanga o ia wahi o ia wahi, kia kohikohia he kai i te takiwa o te ngahuru, ka hoatu tahua ai ki te Minita."

Kahore i pau nga korero, heoi, nukuhia ana ki te Hatarei whakaoti ai.

Nukuhia ana te Hinota ki te Hatarei ki te 5 o nga ra o Maehe.