Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi A Te Hinota Tuatoru O Te Pihopatanga O Waiapu, I Whakaminea Ki Waerengaahika, Turanga. 2 Maehe, 1864.

[Muri iho ka whakaaria e Rev. Matiaha Pahewa, ka tautokona e Patara Wahaaruhe]

Muri iho ka whakaaria e Rev. Matiaha Pahewa, ka tautokona e Patara Wahaaruhe;

"E whakapai ana te Hinota ki tenei korero a te Pihopa, a, he ki tenei ki a ia kia wkakaaetia e ia kia perehitia."

Whakaaetia ana.

Ka whakaaria e Rev. R. Waitoa, ka tautokona e Pitihera Kopu;

"Kia whakaturia te Atirikona o Waiapu raua ko Rev. E. B. Clarke, hei Kai tuhituhi mo nga mahi a tenei whakaminenga o te Hinota."

Whakaaetia ana.

Ka oti te whakatarewa nga tikanga mo te mahi, ka whakaaria e Rev. R. Kawhia, ka tautokona e Wiremu Pere;

"Ka nui te pouri o tenei Hinota ki te ahua o te Hahi o tenei Pihopatanga i tenei wa, ka kitea nei ki te tokomaha o nga Hinotamana e ngaro atu nei i runga i nga raruraru o o ratou wahi: He ki hoki tenei na tenei Hinota ki nga tangata katoa o tenei Pihopatanga kia anga ki te whakaiti i a ratou ki te aroaro o te Atua, ki te whaki i nga hara ki a ia, me te inoi atu ano ki a ia, me kore ia e pai kia whakakahoretia e ia nga raruraru kua takina mai nei e o tatou hara ki runga ki a tatou."

Whakaaetia ana.

page 9

Ka whakaaria e Rapata Wahawaha, ka tautokona e Iehu Kupa;

"E mihi ana tenei Hinota ki te atawhai o te Komiti tone Mihanare o te Hahi o Ingarangi mo te £500 e korerotia nei e te Pihopa i homai e tena Komiti mo te whangai Minita o tenei Pihopatanga. E mea ana hoki tenei Hinota kia tuhituhia e te Pihopa tenei kupu whakapai ki taua Komiti."

Whakaaetia ana.

I whakaaria e Rev. Matiaha Pahewa, i tautokona e Hori Ngangaro;

"He nui te whakapai a tenei Hinota ki te tukunga mai o nga moni £25 e F. H. Piesse Esq, ratou ko nga tamariki o tana Kura, hei whakaranea mo nga moni whangai Minita o tenei Pihopatanga. He ki hoki tenei kia tuhituhia atu ki a ia tenei kupa whakapai e te Pihopa."

Whakaaetia ana.

I whakaaria e Rev. R. Waitoa, i tautokona e Hori Mokoera;

"Kia komiti te Hinota ki te hurihuri i nga Tuuturu a te Hinota mo te whiriwhiringa i nga Hinotamana."

Whakaaetia ana.—Komiti ana te Hinota.

Korerotia ana te 1 o nga Tuuturu, whakaaetia ana.

Korerotia ana te 2 o nga Tuuturu.

Whakaaria ana hei kupu whakatika e Epiniha Waikaaho;

"Kia whakakahoretia te 2 o nga kupu kia whakanohoia ai ko tenei; ko te wa pai mo te whiriwhiringa i nga Hinotamana ko te takiwa ote 1 onga ra o Nowema puta atu ki te 28 o nga ra o Pepuere."

Kahore he kai tautoko, heoi kua kore te kupu whakatika, kua whakaaetia taua Tuuturu.

Korerotia ana ko te 3 me te 4 o nga Tuuturu, whaakaaetia ana.

Whakahokia ana ko te Hinota: whakaaturia ana hoki ki te Hinota e te Upoko o te Komiti nga mahi a te Komiti.

Ka oti te whakapuaki etahi kupu whakaari, ka nukuhia te Hinota ki te Tairei ara ki te 3 o nga ra o Maehe.