Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi A Te Hinota Tuatoru O Te Pihopatanga O Waiapu, I Whakaminea Ki Waerengaahika, Turanga. 2 Maehe, 1864.

[Korero a te Komiti i whiriwhiria hei uiui i te ahua o nga whare Minita o ia Kaainga o ia Kaainga.]

Korero a te Komiti i whiriwhiria hei uiui i te ahua o nga whare Minita o ia Kaainga o ia Kaainga.

Kua uiuia e tenei Komiti te ahua o nga whare Minita o tenei Pihopatanga; a e takoto nei te ahua o nga whare.

Pariha o Te Kawakawa.
Wharekahika, He whare tawhito.
Te Kawakawa, He whare, ko to Rev. R. Waitoa, ko nga wini kahore i oti.
Omaruhou, He whare pai.
Horoera, He whare pai.
Pariha o Rangitukia.
Rangitukia, He whare tawhito.
Pakihi, Kahore.
Te Ti, He whare pai.
Pariha o Te Horo.
Te Horo, He whare pai.
Kakariki, He whare pai.
page 26
Pariha o Tuparoa.
Reporua, He whare tawhito.
Tuparoa, Kahore. (Meake hangaa.)
Manutahi, Kahore.
Pariha o Whareponga.
Popoti, Kahore.
Orangitauira, Kahore.
Rereatahu, Kahore.
Akuaku, Kahore.
Waipiro, He whare pai.
Waikawa, Kahore.
Whareponga, Kei te hangaa, ko to Rev. R. Kawhia.
Pariha o Tokomaru.
Ariuru, He whare pai.
Tuatini, He whare pai, ko to Rev. M. Pahewa.
Tangoiro, Kahore. (meake hangaa.)
Anaura, Kahore.
Pariha o Uawa.
Kaiaua, Kahore.
Koura a te Uhi, Kahore.
Uawa, Kahore. (meake hangaa.)
Pariha o Turanga Nui.
Puatai, Kahore.
Whangaraa, He whare pai.
Turanga Nui, Kahore.
Pariha o Turanga.
Whakato, He whare pai.
Pariha o Waerengaahika.
Waerengaahika, He whare pai.
Te Karaka, Kahore.
Pariha o Maraetaha.
Maraetaha, Kahore.
Whareongaonga, Kahore.
page 27
Pariha o Nuhaka, o Nukutaurua.
Kopuawhara, Kahore.
Nukutaurua, Kahore.
Nuhaka, Kahore.
Pariha o Te Wairoa.
Whakaki, Kahore.
Uruhou, He whare, ko to Rev. J. Hamlin.
Turiroa, Kahore.
Pariha o Waiau.
Pakohai, He whare, ko to Rev. T. Huata.
Manutawhiorangi, Kahore.
Opouiti, Kahore.
Te Reinga, Kahore.
Pariha o Mohaka.
Mohaka, He whare pai.
Putere, Kahore.
Waikare Moana, Kahore.

Na te kore Hinotamana o te Atirikonatanga o Tauranga te tika ai te uiui i te ahua o nga whare Minita o taua Takiwa.

Ki te whakaaro o tenei Komiti, ko tenei hei kupu whakaari ki te Hinota;

Me akiaki nga tangata o ia Kaainga, o ia Kaainga, kia hangaa he whare Minita i nga Kaainga whare kore; kia whakaotia nga whare e hangaa ana; kia whakahoutia nga whare tawhito.

I whaitohungia e E. B. Clarke,

Maehe 5, 1864,

Upoko o te Komiti.

Te korero a te Komiti i whirlwhiria hei uiui i te ahua o nga Kura Tamariki o ia Kaainga, o ia Kaainga, o tenei Pihopatanga.

Ka uiuia nei e matou te ahua o nga Kura Tamariki o ia Kaainga, o ia Kaainga; na, ko ta matou i kite ai, kahore he pumautanga o nga Kura, ka noho noa nga tamariki, kahore e haere tonu ki nga Karakia, kahore hoki e noho ki te Kura. Ko tetahi wahi o te he kei nga matua, ka haere hoki ko ratou anake ki te Karakia, ka mahue nga tamariki ki te taka noa. Tera pea tetahi wahi o te he kei nga Kai whakaako, he kore kupu na ratou ki nga Matua.

Tenei te whakaaro o ta koutou Komiti, ma te Hinota e tuku te kupu ki nga Minita, ki nga Kai whakaako:

1. Kia tuhia katoatia nga tamariki o tena wahi o tena wahi ki te pukapuka.
2. Kia tohe tonu hoki ki nga Matua tupu ki nga Matuaatua kia tonoa nga tamariki ki te Kura. Me akiaki hoki nga tamariki kia mahia taua mahi.

I whaitohungia e E. B. Clarke,

Maehe 4, 1864,

Upoko o te Komiti.

page 28