Te Korero
A Te Komiti I Whiriwhiria Hei Tirotiro I Te Ahua O Nga Tahua Whangai Minita O Ia Wahi O Ia Wahi.

Nga moni kua korerotia i te Hinota tuatahi i noho nei, ki Turanga i nga ra o Tihema, 1861, £747 1s. 9d. He moni tenei no tera wahi, no tera wahi, hei whangai Minita Maori.

Kua riro mai tenei tau:—

page 33

Tenei matou te titiro nei kua kapi te kohikohi a etahi kaainga; kahore kia kapi a etahi. Ko ta Te Kawakawa kua kapi: huihuia katoatia nga kohikohi o Te Wairoa kua taea te £208; ko ta Tokomaru kua taea ki te £184 2s. 3d.; ko ta Whareponga £160 4s. 0d. Na, kei runga o te kohikohi te nuinga o nga kaainga. Ko te mea tika ma nga Hinotamana e akiaki, ina hoki ki o ratou kaainga kia whakakapia nga wahi e puare ana.

Ko te korero tenei mo nga moni kua tae mai ki te Pihopa. E rima rau e rima tekau pauna (£550) kua whakanohoia ki runga ki tetahi whare no te Pihopatanga o Niu Tirani i Akarana, a ko nga hua e puta mai ana i te tau kotahi, e rima tekau ma rima pauna (£55.) Ko tetahi atu wahi, ara, e wha rau e rima tekau pauna (£450) kei a Rev. R. Burrows (Te Para) e takoto ana; meake ano ka hokona ki tetahi wahi whenua ranei, ki tetahi whare ranei i Akarana, e tupu ai nga hua tika i runga.

Tenei ano tetahi moni, he atawhaitanga na te Komiti tono Mihanere o te Hahi o Ingarani. Kua parea mai e ratou £450 no roto i tetahi kohikohi a ratou, hei apiti mo taua £450 o konei. Na, ko tenei £900 hei hoko i tatahi kaainga mo te Whangai Minita.

Tenei te toenga kei te Pihopa e takoto ana £158 0s. 11d., no te moni Whangai-Minita hui tahi ki te £257 10s. 6d. i kohikohia mo te Whangai Pihopa. Ka kitea ano te wahi tika hei whakanohoanga mo enei moni, ka whakanohoia, kia tupu ai nga hua i runga.

Kotahi te rau pauna (£100) kua homai e F. H. Piesse, Esq., hei Whangai Minita Maori. Na, e waru tekau ma rima pauna (£85) kua pau ma nga Minita o Whareponga, o Te Wairoa, kahore ano hoki kia whai hua nga kohikohi o aua kaainga;