A te komiti i whiriwhiria hei hurihuri i te tikanga mo nga utu marena me nga utu mo era atu mea o te hahi.

Kua tirohia e tenei Komiti nga tikanga o nga wahi katoa o tenei Pihopatanga, kei te rere ke to tetahi wahi, kei te rere ke to tetahi wahi. Kei etahi wahi, kahore rawa he utu mo te marena, mo tetahi atu mea ranei, kei etahi wahi ko to te marena anake; kei etahi wahi he utu to te marena, he utu hoki to te karanga marena; ki etahi wahi e tapiritia mai ana ki enei, he utu mo te whakawhetainga wahine, mo te tanumanga tupapaku.

E mea ana tenei Komiti kia whakatuuturutia ki nga wahi katoa o tenei Pihopatanga, he utu marena, kia kotahi tekau hereni.

Kia waiho hoki ma te Hinota e karanga he putanga atu mo ana moni, me aha ranei me aha ranei.