A te komiti i whirrwhiria mo te whakaturanga o tetahi komiti tuuturu mo tenei hinota; hei whakatakoto hoki i nga mahi mo taua komiti tuuturu.

1.	Me whakatu he Komiti Tuuturu e tenei Hinota i ia tau, i ia tau, hei mahi i etahi o nga mahi a te Hinota i nga wa e marara atu ai te Hinota.
2.	Kia rima nga tangata mo te Komiti Tuuturu: ko te Pihopa hei upoko, hei kai huihui; kia rua nga Minita, kia rua hoki nga Reimana. Kia tokotoru, ka whai Koarama.
3.	Ki te mate tetahi Minita, tetahi Reimana ranei o te Komiti Tuuturu, ki te whakarerea ranei e ia tana mahi, ki te mahue ranei i runga i tetahi atu tikanga, ma ona hoa o te Komiti e whiriwhiri he tangata hei whakakapi mo tona wahi.
4	Ki te mate te Pihopa, ki te ngaro atu ranei, me whakakapi tona wahi e te tangata i whakaritea e ia hei Komihari.
5.	Ko nga mahi enei e tukua ki te Komiti Tuuturu: (a) Ko nga mahi e whakahaua mai ana ma taua Komiti i roto i nga ture a te Hinota Nui.page 15 (b) He whakaatu ki te Hinota Nui, i te wa e marara atu ai te Hinota o te Pihopatanga, i nga tangata hei tiaki i nga kaainga i tukua ki te Hahi. (c) He mahi i nga pukapuka tiaki o nga moni mo te whangai minita. (d) He tirotiro mahi mo etahi whakaminenga o te Hinota. (e) He whakaatu i ana mahi katoa ki te Hinota i tenei tau, i tenei tau, i te mea ka whakaminea te Hinota.