Te Pihopa.

Minita.

• Rev. E. B. Clarke,
• Rev. W. L. Williams,
• Rev. R. Waitoa,
• Rev. R. Kawhia,
• Rev. T. Huata.

Reimana.

• Hakaraia Mahika,
• Rewi Tereanuku,
• Eruera Te Ripi,
• Mihaera Taumanu,
• Hunia Hapai,
• Wiremu Kopa,
• Maaka Te Ihutu,
• Mohi Torei,
• Hoani Ngatai,
• Rihara Paipa,
• Kemara Te Hape,
• Rapata Wahawaha,
• Henare Potae,
• Hirini Te Kani,
• Wiremu Pere,
• Anaru Matete,
• Pitihera Kopu,
• Hoani Te Wainohu.

page 10

Ko nga Tuhituhinga o tera huihuinga i korerotia, i whakaaetia.

I mauria ake e Rev. W. L. Williams, i korerotia, te Korero a te Komiti i whiriwhiria mo te whakaturanga o tetahi Komiti Tuuturu.

I mauria ake e Rev. R. Waitoa, i korerotia, te Korero a te Komiti i whiriwhiria hei hurihuri i nga tikanga mo nga utu marena, me nga utu mo era atu mea o te Hahi.

I mauria ake e Mohi Turei, i korerotia, te Korero a te Komiti i whiriwhiria hei tirotiro i te ahua o nga mahi a te Hahi hei whangai Minita.

I whakaaria e Rev. E. B. Clarke, i tautokona e Pitihera Kopu;

"Kia whakaaetia nga Korero a te Komiti i whiriwhiria mo te whakaturanga i tetahi Komiti Tuuturu."

Whakaaetia ana.

I whakaaria e Rev. W. L. Williams, i tautokona e Hoani Ngatai;

"Kia whakaaetia nga korero a te Komiti i whiriwhiria hei hurihuri i te tikanga mo nga utu marena, me nga utu mo era atu mea o te Hahi."

Whakaaetia ana.

I whakaaria e Rewi Tereanuku, i tautokona e Maaka Te Ihutu;

"Kia whakaaetia nga Korero a te Komiti i whiriwhiria hei tirotiro i te ahua o nga mahi a te Hahi hei whangai Minita."

I whakaaria e Rev. E. B. Clarke, i tautokona e Hakaraia Mahika;

"Ko Ven. Archdeacon Brown, ko Rev. C. Baker, ko Rev. S. M. Spencer, ko Rev. C. S. Volkner, ko Rev. Ihaia Te Ahu, ko ko Rev. E. B. Clarke, hei Komiti hei hoa mo te Pihopa ki te whakatakoto i nga rohe o nga Pariha whiriwhiri tangata mo te Hinota,—o Whangaparaoa a, Tauranga atu ana. Ko Ven. Archdeacon Brown te kai whakamine i taua Komiti."

Whakaaetia ana.

I whakaaria e te Pihopa, i tautokona e Rev. E. B. Clarke;

"Ka mihi tenei Hinota ki te kohikohi a Ngatiporou mo te whangai Pihopa; e mea ana hoki he mea tika kia rewa ake tenei mahi a te Hahi i nga wa e takoto ake nei."

Whakaaetia ana.

Kawea mai ana e Wiremu Pere, he kohikohi na nga tangata o Waerengaahika, £1 17s. 5d. Kawea mai ana hoki e Kemara Te Hape, he kohikohi na etahi o nga tangata o te Hinota, £3 15s. 1d.

page 11

Ko enei moni i kohikohia i runga i te ki a te Hinota i te 4 o nga ra o Tihema, mo te Rongo Pai kia whakaputaia ata ki nga wahi e noho tonu ana i roto i te pouri.

Whakatarewatia ana te 13 o nga "Tikanga mo te Mahi" kia whakaaria ai enei tuuturu.

I whakaaria e Rev. R. Waitoa, i tautokona e Rev. T. Huata;

"Ko nga tangata mo te Komiti Tuuturu mo tenei tau e haere ake nei, ko te Pihopa, ko Rev. W. L. Williams, ko Rev. R. Kawhia, ko Anaru Matete, ko Wiremu Pere."

Whakaaetia ana.

I whakaaria e Henare Potae, i tautokona e Mohi Turei;

"Kia tirotirohia e te Komiti Tuutura etahi o nga Ture a te Hinota Nui, kia whakamaoritia, kia ata mohiotia ai e nga tangata maori o nga wahi katoa nga mea kua oti te whakatakoto hei tikanga mo te Hahi."

Whakaaetia ana.

I whakaaria e Rev. Rota Waitoa, i tautokona e Rev. R. Kawhia;

"Kia waiho nga moni marena o tenei Pihopatanga hei utu mo te perehitanga i nga korero a te Hinota i tenei tau."

Tohetohea ana, a, ka whakaaria e Henare Potae, ka tautokona e Mohi Turei tenei korero whakatika;

"Ko tenei wahi e kape o te korero whakaari, 'hei utu mo te perehitanga i nga korero a te Hinota i tenei tau,' kia whakanohoia ai ko tenei, 'hei mea ma te Minita o tenei Pariha, o tenei Pariha.'"

Makaa ana e te Pihopa ki te Hinota ko te korero whakatika.

Wehea ana te Hinota.

Minita. Ae; 0. Kahore. Rev. T. Huata; Rev. R. Kawhia; Rev. R. Waitoa; Rev. W. L. Williams; Rev. E. B. Clarke.—5.

Reimana. Ae. Rapata Wahawaha; Rihara Paipa; Henare Potae; Maaka Te Ihutu; Wiremu Kopa; Kemara Te Hape.—6. Kahore. Hunia Hapai; Hoani Ngatai; Hoani Te Wainohu; Mihaera Taumanu; Mohi Turei; Pitihera Kopu; Anaru Matete; Eruera Te Ripi; Rewi Tereanuku; Hakaraia Mahika; Hirini Te Kani; Wiremu Pere.—12.

Heoi, whakakahoretia ana te kupu whakatika.

Makaa ana ko te korero whakaari o mua; whakaaetia ana.

I whakaaria e Rev. E. B. Clarke, i tautokona e Henare Potae;

"Ko Rev. W. L. Williams hei kai tiaki mo nga moni utu mo te perehitanga i nga korero a te Hinota.

Whakaaetia ana.

page 12

I whakaaria e Pitihera Kopu, i tautokona e Rev. R. Waitoa;

"E whakapai ana nga tangata o tenei Hinota ki te Pihopa ratou ko nga tangata o Waerengaahika, o Whakato hoki, mo ta ratou manaakitanga, mo ta ratou whakamanuhiritanga i a ratou."

Whakaaetia ana.

I whakaaria e Rev. W. L. Williams i tautokona e Rev. E. B. Clarke;

1.	"Me kohikohi he moni i ia tau, i ia tau, i nga wahi katoa o tenei Pihopatanga, mo te kawe atu i te Rongo Pai ki nga iwi e noho tonu ana i roto i te pouri"
2.	"Me kawe mai aua moni, ina oti te kohikohi, ki te Komiti Tuuturu o tenei Hinota."
3.	"Ma te Komiti Tuuturu e whakarite he tangata hei tiaki i aua moni hei hoatu ki nga kai mahi o taua mahi."

Whakaaetia ana.

Korerotia ana etahi korero poroporoaki e te Pihopa, a, whakamutua ana te mahi a tenei whakaminenga ki te "Inoi whakapainga."